Башҡортостан Хөкүмәте быйыл мәғариф буйынса республика кәңәшмәһен Салауат ҡалаһында үткәрергә ҡарар итте.
Мәғариф министрлығына Салауат ҡалаһы хакимиәте, Мәғарифты үҫтереү институты, уҡыу йорттарының ректорҙар советы, урта һәм башланғыс һөнәри белем биреү учреждениелары етәкселәре менән берлектә мәғариф ойошмаларына барыу маршруттарын билдәләү, кәңәшмәгә әҙерләнеүҙе һәм уны үткәреүҙе фәнни-методик, ойоштороу йәһәтенән тәьмин итеү бурысы ҡуйылды. Республика башҡарма власть органдарына уларға һәр яҡлап булышлыҡ итергә ҡушылды.
Бойороҡтоң үтәлешен контролдә тотоу Башҡортостан Хөкүмәте Премьер-министры урынбаҫары, кәңәшмәгә әҙерләнеү һәм уны үткәреү буйынса ойоштороу комитеты рәйесе Лилиә Ғүмәроваға йөкмәтелде.