Күҙалланыуынса, ул һуғышҡа тиклем Өфөлә йәшәгән, сөнки донесение документында, уның ҡатыны Хәнифә Хәлимулла ҡыҙы Кәримова Өфө ҡалаһының Башҡортостан урамындағы 40-сы йорттоң 3-сө фатирында йәшәй, тип яҙылған.
Мәғлүмәттәргә ҡарағанда, Шәрифулла Кәримов 1941 йылдың октябрендә хәбәрһеҙ юғалған, әммә Оборона министрлығының Үҙәк архивы фондтарында уның немецтарға әсирлеккә төшөп, 1945 йылдың 17 ғинуарында вафат булыуын раҫлаусы документтар бар.
Ленинград өлкәһендәге эҙәрмәндәрҙән ошондай хәбәр килде. Улар сит төбәктә ерләнгән һалдат тураһында мәғлүмәт туплау өсөн Шәрифулла Кәримовтың туғандарын эҙләй. Белешмә өсөн телефондар: (347) 279-06-60, 279-03-60.