Төбәк башлығының матбуғат хеҙмәтенән хәбәр итеүҙәренсә, ун алты кешенең хеҙмәте орден, миҙалдар, почет грамоталары, маҡтаулы исемдәр, отличие билдәләре менән баһаланды. Улар араһында сәнәғәт, ауыл хужалығы, мәғариф, медицина, торлаҡ-коммуналь хужалыҡ, сәнғәт, спорт, социаль өлкәләрҙән үҙ эшенең оҫталары бар.
– Барығыҙға ла тырышлығығыҙ, хеҙмәт һөҙөмтәләрен арымай-талмай яҡшыртҡан, коллективтарығыҙға ярҙам иткән өсөн ҙур рәхмәт, – тине Рөстәм Хәмитов. – Һеҙгә һаулыҡ, уңыш, ғаилә именлеге теләйем. Артабан да әлеге кеүек яҡшы эшләрһегеҙ тип ышанам.