Был сара урман фондында ҡоротҡостарҙың һәм ауырыуҙарҙың таралыуына кәртә ҡуйыуға йүнәлтелә. Урмандың санитар торошона сифатлы баһа биреү маҡсатында Йоматау участка урмансылығында күсмә уҡыуҙар үткәрелде. Унда 35 урман инженер-патологы, Башҡортостандың Урманды һаҡлау үҙәге вәкилдәре ҡатнашты. Һынау уҙғарылған майҙанда улар ағастарҙың йәшен, бейеклеген, сифатын билдәләү йәһәтенән тәжрибә тупланы.
— Биләмәнең санитар торошона дөрөҫ баһа биргәндән һуң ғына тейешле сараларҙы тормошҡа ашырырға, урмандың хәлен яҡшыртырға мөмкин, — тине Урман хужалығы министрлығының баш белгесе Рафаил Мостафин.