Унда башҡорт телендә тапшырыуҙар алып барған бөтә радиостанцияларҙы онлайн режимында тыңларға мөмкин. “Башинформ” агентлығы хәбәр итеүенсә, программалаусы “Бәйләнештә” социаль селтәрендә башҡортса интерфейс эшләгән.
— Туған телебеҙҙе танытыу тап беҙҙән, башҡорт йәштәренән, тора. Бай музыка мәҙәниәтен һаҡлап ҡалыуҙа һәм үҫтереүҙә, хәҙерге башҡорт теле нормаларын нығытыуҙа радио тапшырыуҙары ҙур әһәмиәткә эйә, — ти Илдар Кинйәбулатов.
Был ҡушымтала бөтә башҡортса онлайн-радио станциялары тупланған. Файҙаланыусы уларҙы телефон йәки планшет аша тыңлай ала. Программаға “Рәсәй-Башҡортостан” радиоһынан тыш, “Bashkort Party” тулҡындары, “Ашҡаҙар”, “Юлдаш” һәм “Юлдаш NEW” каналдары ингән.