("Генерал Шайморатов" пьесаһынан)

Араларҙың алыҫлығын
Кем яҡынайта?
Һағынғанда сәләм хатын
Кем алып ҡайта?
Почтальон, почтальон,
Почтальон яҡынайта ла
Почтальон алып ҡайта.
Тыуған ауылыңдан хәбәр-хәл
Кем алып килә?
Кемгә кемдең хат яҙыуын
Кем генә белә?
Почтальон, почтальон,
Почтальон алып килә лә
Почтальон ғына белә.
Һөйгәнеңдең яҡты өмөтөн
Кем хәбәр итә?
Дуҫтарыңа ут эсенән
Кем сәләм илтә?
Почтальон, почтальон,
Почтальон хәбәр итә лә
Почтальон сәләм илтә.
Йәшлегеңә саф мөхәббәт
Кем алып килә?
Һөйгәнеңдең кем икәнен
Кем генә белә?
Почтальон, почтальон,
Почтальон алып килә лә
Почтальон ғына белә.