Республиканың 37 баҫмаһы “Матбуғаттың алтын фонды”на һәм Рәсәйҙең иң яҡшы киң мәғлүмәт саралары исемлегенә инде. Улар араһында “Башҡортостан” гәзите лә бар.
Рәсәй төбәктәренән 400-ҙән ашыу киң мәғлүмәт сараһы “Матбуғаттың алтын фонды” отличие билдәһе өсөн көрәшкән. Абруйлы баһа Рәсәйҙең рухи тергеҙелеүенә һәм милләттең аң-зиһенен байытыуға булышлыҡ итеүсе, юғары әхлаҡи принциптарҙы әүҙем пропагандалаусы баҫмаларға бирелә. Еңеүселәрҙең тулы исемлеге менән Башҡортостан Журналистар союзының сайтында танышырға мөмкин.