Яңы йыл байрамына һанаулы көндәр ҡалды. Туғандарыбыҙға, дуҫ-ишебеҙгә бүләктәр алыу, ҡотлау открыткалары ебәреү осоро башлана. «Башҡортостан» гәзите лә үҙенең дуҫтарына бүләк әҙерләне: баҫманың сайтында тыуған көнгә, юбилейға, никах туйына һәм, әлбиттә, Яңы йылға башҡортса ҡотлауҙар урынлаштырылды. Был башланғысҡа һеҙ ҙә ҡушыла алаһығыҙ. Бының өсөн гәзиттең электрон почтаһына ([email protected]) төрлө байрам уңайынан ҡотлауҙар, үҙегеҙ ижад иткән шиғри әҫәрҙәр ебәрергә кәрәк. Яҡындарыбыҙға изге теләктәрҙе рәхәтләнеп үҙебеҙҙең телдә еткерәйек!