Республика парламенты етәксеһе Константин Толкачев Интернетта “Йәнле журнал”дағы битенә инеүселәр менән яңы парламенттың эше тураһында аралашырға ниәтләй.

“Киләһе аҙнала онлайн режимында бер сәғәт буйы граждандар менән аралашам, һорауҙарҙы алдан уҡ ебәрергә мөмкин, — тип яҙа спикер үҙенең блогында. — Уҙған һайлауҙан һуң депутаттар корпусы 70 процентҡа яңырҙы, эш алымдары ла үҙгәрҙе. Минеңсә, “Яңы парламенттың эше” тигән темаға һөйләшеү ҡыҙыҡлы буласаҡ”.