Һөнәри байрам алдынан баш ҡалабыҙҙа Башҡортостан буйынса Эске эштәр министрлығының Ветерандар советы премияһы лауреаттарын тәбрикләү тантанаһы үтте.

2001 йылда милиция ветерандары иң яҡшы йәш хеҙмәткәрҙәрҙе дәртләндерергә ҡарар итә. Шул осорҙан башлап юғары эш күрһәткестәре, намыҫлы хеҙмәте, һөнәри оҫталығы өсөн йыл һайын ун полиция хеҙмәткәренә Эске эштәр органдары һәм эске ғәскәрҙәрҙең ветеран ойошмаһы премияһы лауреаты исеме бирелә. Ошо көндәрҙә үткән тантанала бүләкләнеүселәр араһында тәфтишсе, участковый, СОБР һәм ОМОН, һаҡ һәм юл-патруль хеҙмәте вәкилдәре бар. Абруйлы премияны Ветерандар советы президиумы рәйесе урынбаҫары Венер Ғәзиев тапшырҙы.
Республикабыҙҙа нигеҙ һалынған ошо изге башланғыс башҡа төбәктәрҙә лә үҙләштерелә.