19 август – билдәле ғалим, тарих фәндәре докторы, профессор, Рәсәйҙең һәм Башҡортостандың атҡаҙанған фән эшмәкәре, фән һәм техника өлкәһендә Башҡортостандың дәүләт премияһы лауреаты Ирек Ғайса улы Аҡмановҡа – 80 йәш;

20 август – археолог, тарих фәндәре докторы, профессор, Башҡортостан Фәндәр академияһының мөхбир ағзаһы, Башҡортостандың атҡаҙанған фән эшмәкәре Нияз Абдулхаҡ улы Мәжитовҡа – 80 йәш;

22 август – Рәсәй Федерацияһының Дәүләт флагы көнө;
– Башҡортостан дәүләт медицина университетының кафедра мөдире, медицина фәндәре докторы, профессор, Башҡортостандың атҡаҙанған табибы Таһир Исламнур улы Мостафинға – 60 йәш;

23 август – Рәсәйҙең хәрби дан көнө. Совет ғәскәрҙәре Курск дуғаһында немец-фашист ғәскәрҙәрен ҡыйратҡан көн (1943);

24 август – Башҡортостан дәүләт академия хор капеллаһы артисы, Башҡортостандың халыҡ артисы Рим Карам улы Ғарифуллинға – 70 йәш;

25 август – Шахтерҙар көнө;
– инженер-геолог, геология-минералогия фәндәре докторы, Көнбайыш-Себер төбәк геология үҙәге рәйесе, СССР-ҙың дәүләт премияһы лауреаты Фәйез Зәки улы Хафизовҡа – 75 йәш.