Рәсәй Федерацияһы Президенты Указына ярашлы, өлгәшелгән хеҙмәт уңыштары һәм оҙаҡ йылдар намыҫлы эшләгәне өсөн Башҡортостан Республикаһы Фәндәр академияһындағы медицина фәндәре бүлексәһенең академик-секретары Тимербулатов Вил Мамил улы Дуҫлыҡ ордены менән бүләкләнде.

* * *
Башҡортостан Республикаһы Президенты указдары менән “Полекс Урал” яуаплылығы сикләнгән йәмғиәтенең генераль директоры Әбдрәшитов Рефат Абдрахман улы, Бүздәк районындағы “Бүздәк” агрофирмаһы механизаторы Хәбибуллин Альфред Сөләймән улы — “Башҡортостан Республикаһындағы фиҙакәр хеҙмәте өсөн” отличие билдәһе, Бүздәк районындағы “Бүздәк” яуаплылығы сикләнгән йәмғиәте механизаторы Пиксаев Алексей Григорьевич Башҡортостан Республикаһының Почет грамотаһы менән бүләкләнде;
Бүздәк районындағы “Ҡыйҙаш” колхозы механизаторы Гәрәев Руслан Дамир улына — “Башҡортостан Республикаһының атҡаҙанған ауыл хужалығы хеҙмәткәре”, Күмертау үҙәк ҡала дауаханаһының табип-терапевы, ҡала поликлиникаһының көндөҙгө стационары мөдире Золотова Наталья Николаевнаға — “Башҡортостан Республикаһының атҡаҙанған врачы”, “Баймаҡ” механизацияланған күсмә колоннаһының штукатур-маляры Сәғәҙәтова Фәнүзә Мөхәмәҙи ҡыҙына “Башҡортостан Республикаһының атҡаҙанған төҙөүсеһе” тигән маҡтаулы исемдәр бирелде.

* * *
Рәсәй Федерацияһының һаулыҡ һаҡлау министры ҡарарына ярашлы, Башҡортостан Республикаһының Мотлаҡ медицина страховкалау территориаль фонды директорының беренсе урынбаҫары Юлай Зиннәтулла улы Ғәлийәновҡа “Рәсәй Федерацияһының һаулыҡ һаҡлау отличнигы” тигән маҡтаулы исем бирелде.