Тәүлек әйләнәһенә, ялһыҙ эшләүсе “ышаныс телефоны” беҙҙә бармы? Белеүемсә, Башҡортостан илдә балалар һәм үҫмерҙәр суициды буйынса беренсе урында тора. Был күңелһеҙ факт бер кемде лә битараф ҡалдыра алмай. Бәлки, ауыр хәлгә тарыған, ярҙамға мохтаж үҫмерҙәрҙе фажиғәнән аралауҙа ошо “ышаныс телефон”дары ярҙам итер? Телефон һандары иҫтә ҡалырлыҡ булһын ине. “Ашығыс ярҙам” номерын йәше лә, ҡарты ла яҡшы белә бит.
М. МӨЛӨКОВ.
Архангел районы.

Эйе, Өфөлә бар ундай “ышаныс телефоны”. Республика клиник психотерапия үҙәгендә асылған бүлексәнең телефоны түбәндәгесә: 8(347)251-61-11.
Маҡсаты билдәле – ғәҙәттән тыш хәлдәргә тарыған, психотерапевт, психолог ярҙамына һәм кәңәшенә мохтаж пациенттарға консультация биреү, суицидтарҙы һәм хәүефле хәлдәрҙе иҫкәртеү. Ҡайһы саҡта сараһыҙҙан ни эшләргә белмәгән кешегә бер йылы һүҙ ҙә, кәңәш тә етә. Әҙерлекле белгес агрессия кимәлен, ярһыусанлыҡты кәметеү һәләтенә эйә. Сиселмәҫтәй тойолған мәсьәләләрҙең дә психолог менән әңгәмәләшкәндән һуң еңеләйеүе ихтимал. Телефонды иҫтә ҡалдырҙығыҙмы? 251-61-11. Шылтыратығыҙ!

взять микрозайм очень просто и легко!