Башҡортостан Республикаһы Президенты указдары менән Башҡортостандың Спорт сараларын ойоштороу һәм үткәреү идаралығы начальнигы Ефимов Александр Анатольевич, Башҡортостандың Биатлон буйынса олимпия резервындағы махсус балалар һәм үҫмерҙәр мәктәбе директоры Данилов Вадим Николаевич — “Башҡортостан Республикаһындағы фиҙакәр хеҙмәте өсөн” отличие билдәһе, Федераль почта элемтәһенең Башҡортостан идаралығы хеҙмәткәрҙәре: Талбазы почтамтының Красноусол почта элемтәһе почтальоны Вәлиева Рәүилә Мөсәбир ҡыҙы, Дәүләкән почтамтының Шишмә районындағы почта элемтәһенең цех начальнигы Уразмәтова Светлана Мәүлет ҡыҙы Башҡортостан Республикаһының Почет грамотаһы менән бүләкләнде, Рәсәй Рәссамдар союзының төбәк бүлексәһе ағзаһы, график Маджар Сергей Владимировичҡа — “Башҡортостан Республикаһының атҡаҙанған рәссамы”, Федераль почта элемтәһенең Башҡортостан идаралығы хеҙмәткәрҙәре: Бүздәк почтамтының Таулар почта элемтәһе почтальоны Ғәликәева Фәриҙә Үзбәк ҡыҙына, мәғлүмәт технологиялары бүлегенең инженер-программисы Инсафетдинова Анна Марковнаға, Яңауыл почтамтының матбуғатҡа яҙылыу төркөмө начальнигы Саҙрыева Рита Нух ҡыҙына “Башҡортостан Республикаһының атҡаҙанған элемтәсеһе” тигән маҡтаулы исемдәр бирелде.