1. Кендектәрҙе хатта киҫкәндә лә,
Имгәнмәгән улар, күрәһең:
Һеҙгә төшкән ҡайғы-ғазаптарҙан
Өҙөлөрҙәй һаман (…)ем.
(Рәйес Түләк).

2. “Ошо үткән йылдан ҡалған яра
Юҡ түгелдер инде кемдең дә”, —
Тип йыуатҡан булам үҙ-үҙемде
Эт йылының һуңғы (…)дә.
(Рәйес Түләк).

3. Аһтарым аҡтарып атылам,
Тартынмай яҡындан, ятынан...
Үҙ йөгөм үҙемә еңелдән,
Һибелә моң ғына (...)дә.
(Гөлназ Ҡотоева).

4. Күҙ йәшем дә йөрәгемә һарҡый,
Күҙҙәрем, тығылып, әсетмәй.
Аҙан да юҡ миндә, тәҡбир ҙә юҡ,
Манараһы ауған (…)тәй.
(Рәйес Түләк).

5. Ана, тәүге сәскә…
тәүге ямғыр…
тәүге ҡарҙар яуа иркәләп…
Ана, һуңғы таждар ышығында
Серем итә һуңғы (…).
(Рәйес Түләк).

6. Әйтергә нимә һуң теләгән,
Ниндәй сер һалынған һүрәткә?
Баламдың ҡулдары тыуҙырған,
Бирелгән ул миңә (…)кә.
(Гөлназ Ҡотоева).

7. ...Осрашмайыҡ,
беҙҙең күрешмәүҙәр
Кемдәргәлер шулай бик кәрәк.
Был донъяла һинең бар булыуың
Үҙе генә лә бит ҙур (…).
(Зөһрә Ҡотлогилдина).

8. Нимә ҡалһын инде
янған уттан —
Өйөлә тик көлөм, күмерем.
Ут көсәйә, боҙом кесерәйә:
Булмыш яна, ирей (…)ем.
(Рәйес Түләк).

9. Эй шыҡһыҙ көҙ көнө
Ҡалала өй эсе.
Йылынып алырға
Юҡ ауыл (…)е.
(Зөлфиә Ханнанова).

10. Ярлыҡаным,
Көсөм етте ярлыҡарға.
Исемеңде йәнә яҙҙым
Ап-аҡ ҡарға.
Исемеңә яуыр күктән мең биҙәктәр.
Һырып алыр һине тағы (…)тәр.
(Зөлфиә Ханнанова).

11. Бөтә кеше ел тирмәне һымаҡ
Илһам алһа ине хәрәкәттән,
Бәхет табыр ине хеҙмәтенән,
Уңыш алыр ине (…)тән.
(Тәнзилә Дәүләтбирҙина).

12. Йәшлек диңгеҙ ине.
Шул диңгеҙгә
Хыялымдан ҡорҙом елкәндәр.
Хәйерлегә булһын аҙағы, тип,
Мәрәкәләп ҡалды (…)дәр.
(Рәйес Түләк).

13. Тәбиғәттә мин саф,
мин бәхетле,
Мин бит уның ҡыҙы, бәпәйе!
Күгәрсен дә минән йәлләмәҫтәй
Матур ғына ҡыҙыл (…)ен.
(Тәнзилә Дәүләтбирҙина).

14. Мейе ҡатын иләп үтһен
Ҡыуаныслы хистәрем.
Болотло булғайны көнөм,
Аяҙайһын (…)тәрем.
(Тәнзилә Дәүләтбирҙина).

15. Ысын хәҡиҡәттә – әрем тәме!
Кескенәләр ҡайҙа! Кемдәрҙә?
Балаңды бит үҙең ҡарар инең,
Ятмаһа шул ағыу (…)дәрҙә.
(Рәшиҙә Шәмсетдинова).

16. Дауылдарҙа ҡалҡан булған
Ундай ағас үҫә һирәк,
Ул йығылғас урындарын
Баҫып алды тал да (…).
(Зөлфиә Ханнанова).

17. Өҫтә ҡояш,
Өҫтә һый-аш,
Нурлы тәхет,
Ләкин һинһеҙ
Ниңә кәрәк
Миңә (…)?
(Зөлфиә Ханнанова).

18. Батшаларын йәлләмәгән халыҡ
Башҡаларҙы нисек йәлләһен —
Имамдарҙың башы киҫелгәндә,
Ҡыҙғанмайҙар уның (…)һен.
(Мәүлит Ямалетдин).

19. Бәхетемдер, тимен –
шул йәшендән
Йөрәгемә ҡапты бер ялҡын.
Тыуған ерем шау аҫылташ булһа,
Сәсән телле халҡым – мең (…).
(Зөлфиә Ханнанова).
20. Ҡыр ҡаҙҙары, ана, ҡаңғылдаша,
Ҡаңғылдаша иртүк сәхәрҙә,
Йыя улар, йыя бәпкәләрен
Осорорға алыҫ (…)гә.
(Әсхәл Әхмәт-Хужа).

21. Борон-борон заман түгел ине,
Ай үҫәһен мин көн үҫмәнем.
Апайҙарым! Һеҙҙән өйрәндем мин
Был донъяның алты (…)ен.
(Рәйес Түләк).

22. Төнө буйы
керпек ҡаҡмай сыҡтым,
Ҡалып көлгә, яндым шул утта.
Ожмах ҡәҙерҙәрен белер өсөн,
Яныр кәрәк икән (…)та.
(Гөлназ Ҡотоева).

23. Тормош аға бит ул айышына,
Ҡояш көн дә бара байышына.
Кеше лә шул.
Шатлығын да татый,
Түҙеп кенә йәшәй (…)ына.
(Гөлназ Ҡотоева).

24 ...Урталайға телдең йөрәгемде,
Бөп-бөтөнбөҙ, тиеп ҡара, алдаш.
Иртән уяныуға алдыбыҙҙа
Түңкәрелеп ятыр ярыҡ (…).
(Гөлназ Ҡотоева).

25. Шул уҡ йорттар,
шул уҡ йүкә, ана,
Юлдарыма ҡоя алтынын.
Шул уҡ дуҫтар үтә яндарымдан,
Тик танымай ауыл (…)ын…
(Зөлфиә Ханнанова).

26. Зарлы кеше моңло була, тиҙәр,
Йырлы була, тиҙәр, яңғыҙҙы.
Моңланһаң да, зарланманың, әсәй,
Ҡәһәрләмәнең һис (…)ты.
(Зөһрә Ҡотлогилдина).

27. Был донъяла боронғонан килгән
Яҡшылыҡ бар, ҡаты яуызлыҡ.
Һыу ҙа ташмаҫ, ер тетрәмәҫ ине
Кейҙереп тә булһа (…).
(Лариса Абдуллина).

28. Йырлайымсы күкрәк киреп,
Оҙон көйгә моңло йырҙы,
Күңелемдә мең йәшәр
моң —
Мин бит әле башҡорт
(…)ы.
(Зөлфиә Ханнанова).