Башҡортостан Республикаһы Президенты указдары менән республика Хәрби комиссариаты хеҙмәткәрҙәре: бүлек начальнигы Вәлиев Риф Мәсғүт улы — “Башҡортостан Республикаһындағы фиҙакәр хеҙмәте өсөн” отличие билдәһе, хәрби-врач комиссияһы рәйесе, табип-методист Йыһангиров Роберт Әмин улы, Өфө ҡалаһының Дим районы һәм Өфө районы бүлегендәге хәрби хеҙмәткә әҙерләү һәм саҡырыу бүлексәһе начальнигының өлкән ярҙамсыһы Лекаев Сергей Иванович Башҡортостан Республикаһының Почет грамотаһы менән бүләкләнде; Өфө ҡалаһының Киров, Совет һәм Ленин райондары бүлегендәге мобилизация ресурстарын планлаштырыу, тәғәйенләү, әҙерләү һәм иҫәпкә алыу бүлексәһе начальнигы ярҙамсыһы Башҡортостан Хәрби комиссариатының тынлы оркестр дирижеры Ғәләүетдинов Фән Рәйес улына “Башҡортостан Республикаһының атҡаҙанған мәҙәниәт хеҙмәткәре” тигән маҡтаулы исем бирелде; Өфө ҡалаһының Киров, Совет һәм Ленин райондары бүлеге начальнигының өлкән ярҙамсыһы Астраханцев Борис Александрович, Башҡортостан Хөкүмәте Аппаратының дөйөм бүлегендәге граждандар мөрәжәғәттәре менән эшләү секторының өлкән белгесе Ғәләүетдинова Винария Фәтих ҡыҙы Башҡортостан Республикаһы Президентының Рәхмәт хаты менән бүләкләнде.