***
Рәсәй хөкүмәте 2016 йылдан Әсәлек капиталын бөтөрөүҙе күҙаллай. Бының сәбәбен аналитиктар Пенсия фондының дефициты үҫә барыуы менән аңлата.

***
Мәскәүҙә ҡыш буйына юлға 300 мең тонна тоҙ һипкәндәр. Был элекке йылдарҙан ике тапҡырға күберәк.

***
1 апрелдән армияға саҡырыу миҙгеле башланды. Был юлы 155,3 мең Рәсәй егете һалдат формаһын кейәсәк.

***
Судмедэкспертиза бөткәндән һуң Борис Березовскийҙы Лондонда ерләйәсәктәр.

***
Чечен Республикаһынан Дәүләт Думаһы депутаты Шамсанд Саралиев “Дәүләт сере хаҡында”ғы Законға төҙәтмә әҙерләне. Ул юғары вазифа биләгән Рәсәй чиновниктарына сит илгә сығыуҙы сикләргә тәҡдим итә.

***
2013 йылда төбәк бюджеттарының дефициты 500 миллиард һумға, ә бурыс 23 процентҡа үҫеүе ихтимал.

***
Быйыл 80 мең сығарылыш класы уҡыусыһы сит телдән Берҙәм дәүләт имтиханын тапшырасаҡ.

***
Сергей Иванов, дәүләт компанияларында эшләгән чиновниктар һәм етәкселәр 2013 йылдың 1 июленә ҡәҙәр сит ил банктарындағы аҡса иҫәбенән ҡотолорға тейеш, тип белдерҙе.

***
Башҡортостан шихандары Волга буйы федераль округында тәбиғәт, мәҙәниәт, археология ҡомартҡылары араһында “Рәсәй – 10” мультимедиа проект-конкурсында беренсе урында килә. Бөгөнгә шихандар 14 мең 700-ҙән ашыу тауыш йыйған. Икенсе урында – Пермь крайындағы Көңгөр мәмерйәһе (12 мең самаһы тауыш), өсөнсөлә – Һамарҙағы Сталин бункеры (10 мең 500 тирәһе).

***
Республикала 1 апрелдән 30 октябргә ҡәҙәр ҡала яны электр поездарына льготаға эйә граждандар өсөн 50 процентҡа ташлама индерелә.

***
15 апрелдән Өфөләге Төньяҡ автовокзалдың эшмәкәрлеге туҡтатыла. Хәҙер барлыҡ пассажир автобустары Көньяҡ автовокзалдан йөрөйәсәк.

***
Владимир Юрзиновты “Салауат Юлаев” хоккей клубының баш тренеры итеп раҫланылар.