Белорет районының Сермән ауылында тыуып үҫеп, хәҙер Өфө ҡалаһының М. Исҡужин исемендәге 136-сы башҡорт лицейында урыҫ теле һәм әҙәбиәте уҡытыусыһы булып эшләгән коллегабыҙ, яҡын дуҫыбыҙ Ғәлиева Нәфисә Тамъян ҡыҙын 45 йәшлек матур юбилейы менән ысын күңелдән ҡотлайбыҙ!
Яҙғы бөрөләр тулып, япраҡ ярған, ҡояш йылыһы йыһанды йылытҡан, күңелдә дәрт уятҡан миҙгелдә донъяға килгәнһең. Күркәм сәскәләрҙең төндө яҡтыртҡан, йәнде йылытҡан сағы күңелеңә көс-ҡеүәт, тормошоңа дәрт өҫтәһен, ғүмер юлың гөлгә күмелһен, шатлыҡ менән тулһын! Һиңә ҡоростай ныҡлы һаулыҡ, ҡояшлы, нурлы көндәр, күңел көрлөгө, рух ныҡлығы теләйбеҙ. Тыуыр таңдарың тыныс, көләс, күңел күгең аяҙ булһын. Киләсәктә лә ғүмер юлдашың Иректең, ҡыҙың Иринаның ҡәҙер-хөрмәтенә, һөйөүенә төрөнөп, туғандарыңдың, дуҫтарыңдың изгелектәренә ҡыуанып, ҡайғы-хәсрәт күрмәй, оҙон ғүмер кисерергә яҙһын.
Һине ергә яҙҙар алып килгән,
Тормош ауыр тиеп тормаған,
Бер сәскәһе булыр ерҙең тиеп,
Яңылышмаған, дөрөҫ уйлаған.
Ғүмерҙәрең оҙон, яҡты булһын,
Һыҙламаһын аяҡ, ҡулдарың.
Бер ҡасан да һүрелмәһен ине
Күңелеңдәге яҡты нурҙарың!

Иң изге теләктәр менән Ғәзизуллиндар ғаиләһе, Дамира Аҫылғужина һәм
Рәйсә Сәхиуллина.

* * *
Ҡәҙерле Нәфисә Тамъян ҡыҙы! Һеҙҙе ысын күңелдән күркәм юбилейығыҙ менән ҡотлайбыҙ!
Яҙҙың матур көндәренең береһендә, тәбиғәт уянып, йылы ҡояштың нурҙарына ҡойоноп ҡыуанған мәлдә, бар тереклек яңынан-яңы хыялдар, уй-теләктәр, хис-тойғолар, ышаныстар менән йәшәгән ваҡытта Һеҙ, әйтерһең дә, гүзәлдәрҙән-гүзәл сәскә булып донъяға килгәнһегеҙ.
Ғүмерегеҙ буйына Һеҙ яҙ ҡояшы кеүек кешеләргә күңелегеҙ йылыһын, матурлығын, рухи көсөгөҙҙө өләшеп йәшәйһегеҙ. Тормошоғоҙҙо Һеҙ бөйөк Уҡытыусы һөнәренә бағышлағанһығыҙ. Нисәмә быуын йәштәргә ҡанат ҡуйып, белем биреп, оло тормош юлына сығарҙығыҙ! Ниндәй генә ҡыйынлыҡтар булмаһын, һәр ваҡыт еңеп сыҡтығыҙ, маҡсаттарығыҙға ышаныслы атланығыҙ. Һеҙҙе белгән барлыҡ кешеләр оло аң-белемегеҙгә, нескә һәм шул уҡ ваҡытта батыр күңелегеҙгә, олоһон да, кесеһен дә ғәжәйеп кешелеклелек менән хәстәрләү һәләтегеҙгә һоҡлана. Уҡытыусы исемен ҙур бейеклеккә күтәреү менән бергә Һеҙ балаһын ҡурсалаусы Бөйөк Әсә һәм тоғро, оло йөрәкле, мөхәббәтле тормош иптәше булып йәшәйһегеҙ.
Хөрмәтле Нәфисә Тамъян ҡыҙы! Беҙ Һеҙҙе ихлас ихтирам итәбеҙ, яратабыҙ, Һеҙҙең менән ғорурланабыҙ. Ошо матур көндә бөтә йөрәктән сәләмәтлек, бәхет, күңел тыныслығы, яңынан-яңы үрҙәр теләйбеҙ Һеҙгә! Уҡыусыларығыҙҙың уңыштарына ҡыуанып йәшәгеҙ! Бөтә изгелектәрегеҙ өсөн рәхмәт! Тыуған көнөгөҙ ҡотло булһын!

Рауил, Гөлсөм, Алмас Шаммасовтар.