Әбйәлилдең күренекле улы, Рәсәйҙең атҡаҙанған, Башҡортостандың халыҡ артисы, Салауат Юлаев исемендәге дәүләт премияһы лауреаты, Башҡортостан Театр эшмәкәрҙәре союзы рәйесе Әхтәм Әхәт улы Абушахмановты оло юбилейы — 65 йәше менән ҡайнар ҡотлайбыҙ.
Ғүмер юлығыҙ ижади уңыштарға һәм сағыу ваҡиғаларға бай. Фиҙакәр, илһамлы хеҙмәтегеҙ менән республикабыҙ мәҙәниәтен, театр сәнғәтен үҫтереүгә индергән өлөшөгөҙ юғары баһаға лайыҡ. Һеҙ — оло ихтирам, һөйөү, абруй яулаған сәнғәт әһелдәренең береһе.
Хөрмәтле яҡташыбыҙға Ҡырҡты тауҙарындай ныҡлы сәләмәтлек, аҡ бәхет, яңы ижади асыштар, илһам һәм оҙон ғүмер теләйбеҙ.

Иң изге теләктәр менән бөтә яҡташтарығыҙ исеменән Әбйәлил районы хакимиәте башлығы Рим Сыңғыҙов.

* * *

Ҡәҙерле яҡташыбыҙ, Әбйәлил районының данлы уҙаманы һәм ғорурлығы, милли сәнғәтебеҙҙең аҡһаҡалы Әхтәм Әхәт улы Абушахмановты күркәм юбилейы уңайынан тәбрикләйбеҙ!
Һеҙ фиҙакәр, илһамлы хеҙмәтегеҙ менән башҡаларҙың йәшәйешенә йәм, бәхет, шатлыҡ, дәрт өҫтәйһегеҙ. Оло йөрәкле, кешелекле, изге күңелле булыуығыҙ менән арбайһығыҙ. Яҡташтарығыҙ һеҙҙе ныҡ ихтирам итә һәм хөрмәткә лайыҡ сағыу шәхес тип баһалай. Аллаһы Тәғәләнең мең рәхмәте яуһын һеҙгә! Күңел тыныслығында, иҫәнлектә, балаларығыҙҙың, ейән-ейәнсәрҙәрегеҙҙең изгелеген күреп, оҙон-оҙаҡ йәшәргә, ижад итергә яҙһын. Донъяғыҙ ҡотло, бәрәкәтле булһын!

Әбйәлил яҡташтар ойошмаһы исеменән Батыр Хисмәтуллин, Раян Шаһимөхәмәтов, Азия Кусимова.