Рәсәйҙең мәғариф һәм фән министры Дмитрий Ливанов Дәүләт идара итеү университеты (ГУУ) ректоры Виктор Козбаленконы эшенән ебәрҙе. Юғары уҡыу йорто етәксеһе 7 миллион һум самаһы ришүәт алыуҙа ғәйепләнә.

“Шереметьево” аэропортының таможня хеҙмәткәрҙәре “Дубай — Мәскәү” рейсы менән килгән Рәсәй кешеһенең 26 мең бриллиантын тартып алған.

Мәскәү суды Рәсәй юрисы Сергей Магнитскийҙың суд эшен 22 мартҡа ҡалдырҙы. Магнитский 2009 йылда тикшереү изоляторында вафат булған, мәрхүм һалым түләмәүҙә ғәйепләнгән.

Яҙыусы-фронтовик Борис Васильев Мәскәүҙә 89-сы йәшендә донъя ҡуйҙы. Ул “А зори здесь тихие” тигән повестың авторы булараҡ билдәле. Яҙыусының күп әҫәрҙәре буйынса фильм төшөрөлгән.

Нижегород өлкәһендә 38 ауырыу һалдатты полигондағы йылытылмаған бинала йәшереп тотҡандар.

Түбәнге Новгород янында Волга аша яңы күперҙе быйыл июнь айында төҙөй башлаясаҡтар.

Рәсәй юл хәрәкәте хәүефһеҙлеге инспекторҙары барлыҡ водителдәрҙе лә уларҙың эскән-эсмәгәнлеген билдәләү өсөн тикшерә башланы.

Быйыл республикала 26 мең самаһы уҡыусы (шул иҫәптән бүтән йылдарҙағы сығарылыштыҡылар) БДИ бирәсәк. БДИ тапшырыу өсөн ғаризалар ҡабул итеү 1 мартта тамамланды.

Башҡортостанда йыл башынан 139 автомобилгә “айыу майы” һөрткәндәр.

Голландияның Ассен ҡалаһында мотоциклда уҙышыу буйынса шәхси чемпионатта Өфө техник спорт төрҙәре үҙәге егете Дмитрий Колтаков беренсе урынды яуланы.

Өфөлә 12 июндә, ҡала көнөндә, Земфира менән Юрий Шевчук берлектәге концерт күрһәтәсәк. Бынан тыш, Земфира Рәсәйҙең башҡа ҡалалары, шулай уҡ Украина, Германия, Чехия, Польша, Финляндия илдәренә лә концерт менән гастролгә сыҡмаҡсы.

Алыҫҡа йөрөгән поездарға билет хаҡы 11 марттан 25 процентҡа түбәнәйә. Был ташлама 27 апрелгә тиклем үҙ көсөндә буласаҡ.