Башҡортостан Республикаһы Президенты указдары менән Транспорт идаралығы шоферы Йомағолов Данир Әхәт улы Башҡортостан Республикаһының Почет грамотаһы менән бүләкләнде;
Белорет районындағы "ТеплоТрейд" йәмғиәтенең техник директоры Озорнин Владимир Васильевичҡа, "СКБ-МК-Витязь" йәмғиәте директоры Шаньгин Владимир Александровичҡа — "Башҡортостан Республикаһының атҡаҙанған машина эшләүсеһе", "Рәсәй тимер юлдары" йәмғиәте филиалы — Куйбышев дирекцияһының Өфө депоһындағы электровоз машинисы Ғәфүров Радик Зөфәр улына, "Рәсәй тимер юлдары" йәмғиәте филиалы — Куйбышев дирекцияһының Туймазы тимер юл станцияһы дежуры Елизарьева Ирина Игоревнаға — "Башҡортостан Республикаһының атҡаҙанған транспорт хеҙмәткәре", Башҡортостандың Урман хужалығы министрлығындағы бүлек начальнигы Нәүширванов Рафаэль Рамазан улына, Бәләбәй урмансылығының Өҫән-Ивановка участка урмансылығы хеҙмәткәре Петряков Владислав Ивановичҡа — "Башҡортостан Республикаһының атҡаҙанған урман белгесе", Ғ.Ғ. Ҡыуатов исемендәге республика клиник дауаханаһының клиник-лаборатор диагностика табибы Аҙнабаева Лилиә Фәрит ҡыҙына, Өфө ҡалаһындағы 18-се клиник дауахананың бүлек мөдире, табип-физиотерапевт Мәҡсүтова Лена Фәүзи ҡыҙына, Республика врач-физкультура диспансерының спорт медицинаһы табибы Шәйхлисламов Роберт Рәүхәт улына — "Башҡортостан Республикаһының атҡаҙанған врачы", Ғ.Ғ. Ҡыуатов исемендәге республика клиник дауаханаһының шәфҡәт туташы Ҡоҙаярова Найлә Әбдрәшит ҡыҙына, Республика врач-физкультура диспансерының шәфҡәт туташы Йәнәхмәтова Наисә Фидаил ҡыҙына — "Башҡортостан Республикаһының атҡаҙанған һаулыҡ һаҡлау хеҙмәткәре", Ғафури районындағы Мораҡ ауылының урта дөйөм белем биреү мәктәбе уҡытыусыһы Абдуллина Наилә Шаим ҡыҙына, Дыуан районының Республика лицей-интернаты уҡытыусыһы Әхмәтханова Рәзилә Әмирхан ҡыҙына, Өфө ҡалаһы Орджоникидзе районының 83-сө лицейы уҡытыусыһы Гильдин Александр Григоревичҡа, Асҡын районындағы Ҡышлауйылға ауылының урта дөйөм белем биреү мәктәбе директоры Шәүәлиев Әмин Әнүәр улына — "Башҡортостан Республикаһының атҡаҙанған уҡытыусыһы", Балтас районы хакимиәте башлығының социаль һәм кадрҙар сәйәсәте буйынса урынбаҫары Рәхимов Фирҙәүес Ғәйнел улына — "Башҡортостан Республикаһының атҡаҙанған мәғариф хеҙмәткәре", Күгәрсен районындағы Тәүәкән ауыл мәҙәниәт йортоноң мәҙәни ойоштороусыһы Ильясов Ғәзим Ғәлим улына, Заһир Исмәғилев исемендәге Өфө дәүләт сәнғәт академияһының кафедра мөдире, профессор, композитор Исмәғилева Ләйлә Заһир ҡыҙына — "Башҡортостан Республикаһының халыҡ артисы", Хөсәйен Әхмәтов исемендәге Башҡорт дәүләт филармонияһының артист-вокалисы (солисы) Биктимерова Лилиә Рафаил ҡыҙына, Мостай Кәрим исемендәге Милли йәштәр театры актрисаһы Ғайсина Гөлшат Риф ҡыҙына, Нефтекама дәүләт филармонияһының аккомпаниатор-концертмейстеры Ишморатов Марс Азамат улына, М. Шкетан исемендәге мари милли драма театры филиалы — Мари йәш тамашасы театрының "Станислав" студияһы етәксеһе Шакиров Станислав Алексеевичҡа — "Башҡортостан Республикаһының атҡаҙанған артисы", М. Ғафури исемендәге Башҡорт академия драма театрының режиссер-ҡуйыусыһы Абушахманов Айрат Әхтәм улына, Заһир Исмәғилев исемендәге Өфө дәүләт сәнғәт академияһының кафедра мөдире, профессор Шәйхетдинов Рөстәм Рәжәп улына — "Башҡортостан Республикаһының атҡаҙанған сәнғәт эшмәкәре", М. Аҡмулла исемендәге Башҡорт дәүләт педагогия университетының художество-графика факультеты деканы Мәсәлимов Тәлғәт Хәсән улына — "Башҡортостан Республикаһының атҡаҙанған рәссамы", Өфө сәнғәт училищеһы уҡытыусыһы Богомолов Анатолий Николаевичҡа, Стәрлетамаҡ ҡалаһының урыҫ дәүләт драма театры директоры Замесина Виктория Александровнаға, Силәбе өлкәһенең Златоуст ҡалаһындағы "Металлург" мәҙәниәт һарайындағы "Һандуғас" халыҡ ансамбле етәксеһе Ҡарасурин Фәнит Ғәйфәтулла улына, "Нефтсе" мәҙәниәт һарайының өлкән администраторы Сафонова Татьяна Владимировнаға, Әбйәлил район мәҙәниәт йорто режиссеры Солтанбаев Радмир Иншар улына, Ишембай мәҙәниәт һарайының "Рябинушка" халыҡ вокаль ансамбле етәксеһе Яровая Татьяна Геннадьевнаға — "Башҡортостан Республикаһының атҡаҙанған мәҙәниәт хеҙмәткәре", Туймазы ҡалаһындағы Спорт-һауыҡтырыу комплексының өлкән тренер-уҡытыусыһы Шәйҙуллин Фәнис Басарый улына — "Башҡортостан Республикаһының атҡаҙанған физик культура хеҙмәткәре", "Центробанк"тың Өфө филиалы директоры советнигы Ванк Евгений Валентиновичҡа, Башҡортостан Хеҙмәт һәм халыҡты социаль яҡлау министрлығының Мәләүез районы һәм ҡалаһы буйынса идаралығы начальнигы Вахитова Екатерина Павловнаға, "Промтрансбанк" йәмғиәтенең Черниковка бүлексәһе директоры Кәримов Мөҙәрис Рәсүл улына, Өфө ҡалаһы хакимиәтенең Муниципаль бүлеккә идара итеү комитеты идаралығы начальнигы Копылова Ольга Николаевнаға — "Башҡортостан Республикаһының атҡаҙанған иҡтисадсыһы", Өфө ҡалаһы Октябрь районының Халыҡ мәшғүллеге үҙәге директоры Решетова Лариса Михайловнаға — "Башҡортостан Республикаһының атҡаҙанған халыҡты социаль яҡлау хеҙмәткәре", "Өмет" гәзите корректоры Албурина Әлзирә Мәүлет ҡыҙына, "Ҡариҙел" редакция-нәшриәт комплексының хаттар бүлеге мөдире Зарипова Зөлфара Илдар ҡыҙына, "Башҡортостан" телерадиотапшырыуҙар компанияһының "Ашҡаҙар" ижад берекмәһе етәксеһе Йәғәфәрова Миләүшә Ҡасим ҡыҙына "Башҡортостан Республикаһының атҡаҙанған матбуғат һәм киң мәғлүмәт хеҙмәткәре" тигән маҡтаулы исемдәр бирелде.