Түбәндәге авторҙарыбыҙ һәм ижади хеҙмәткәрҙәребеҙ “Башҡортостан” гәзитенең 2012 йылғы лауреаттары тип билдәләнде:

БИКБАЕВ Рауил Төхфәт улы, Башҡортостан Республикаһы Дәүләт Йыйылышы — Ҡоролтайҙың Мәғариф, фән, мәҙәниәт, спорт һәм йәштәр эштәре буйынса комитеты рәйесе, Башҡортостандың халыҡ шағиры – “Ышаныстар һәм борсолоуҙар” (28 ноябрь), “Килер шатлыҡ килмәй ҡалмаһын” (21 декабрь) тигән көнүҙәк мәҡәләләре өсөн;

ҒӘБИТОВ Илдар Миҙхәт улы, иҡтисад фәндәре кандидаты, БДУ доценты – “Харам мал харап итерме?” (30 август), “Сәйәсмәндәр ҙә сәйер була икән…” (18 декабрь) тигән аналитик яҙмалары, редакция ойошторған иҡтисади ҡорҙарҙа әүҙем ҡатнашҡаны, башватҡыстары, афоризмдары менән гәзиттең йөкмәткеһен байытҡаны өсөн;

ХУЖИН Мәхмүт Хәйрүш улы, “Ағиҙел” журналының публицистика бүлеге мөдире — “Итәк ҡырҡып, ең ялғамайҙар” (27 ноябрь), “Бар яраштыра, юҡ талаштыра” (21 декабрь) һәм башҡа ижтимағи-сәйәси мәҡәләләре өсөн;

УСМАНОВА Миңһылыу Ғөбәйт ҡыҙы, филология фәндәре докторы, М. Аҡмулла исемендәге БДПУ профессоры – башҡорт теле мәсьәләләренә арналған “Телебеҙҙе кем боҙа? Үҙебеҙ!” (21 февраль,16 март, 27 апрель, 25 май, 23 август, 14 сентябрь, 30 ноябрь) тигән дауамлы яҙмаһы өсөн;
УРАҘҒОЛОВ Рәлис Ришат улы, «Башҡортостан» гәзитенең иҡтисад бүлеге мөдире – “Хәлең нисек, Ҡурған аҫабаһы?” (1 август), “Йотлоҡ яңғыҙ йөрөмәй” (17 октябрь), “Изге урын буш тормай” (27 ноябрь) тигән аналитик яҙмалары, ауыл хужалығы, иҡтисад мәсьәләләренә арналған «түңәрәк өҫтәл”дәрҙе даими ойошторғаны өсөн;

СӨЛӘЙМӘНОВ Әнүәр Зөфәр улы, “Йәрмәкәй яңылыҡтары” гәзитенең баш мөхәррир урынбаҫары – “Атай рәнйеше” (6 апрель), “Йөрәктәре ташмы икән ни?” (24 май), “Их, шул бесән әҙерләүҙәре…” (18 август) тигән һәм көнүҙәк мәсьәләләргә арналған башҡа яҙмалары өсөн;

УСМАНОВА Кәримә Ишбулды ҡыҙы – “Башҡортостан” гәзитенең үҙ хәбәрсеһе – “Үҙең теләп... эскелек һаҙлығына” (17 апрель), “Әллә яңы аяҡ үҫер тиҙәрме икән?” (1 июнь), “Бейеү сәхнәһенең ҡабатланмаҫ йондоҙо” (10 июнь), “Рухыбыҙҙы һынар саҡ!” (19 декабрь) тигән аналитик яҙмалары, баҫмабыҙҙы таратыуға һәм пропагандалауға ҙур өлөш индергәне өсөн.

* * *
Башҡортостан Республикаһы закондарын, рәсми хәбәрҙәрҙе, ғилми-публицистик яҙмаларҙы урыҫ теленән башҡортсаға сифатлы һәм тиҙ тәржемә иткәне өсөн “Башҡортостан” гәзитенең тәржемә бүлеге мөдире ДӘҮЛӘТБӘКОВА Лилиә Фәрит ҡыҙы баш мөхәррирҙең махсус бүләгенә лайыҡ булды.