"Ингосстрах" страховкалау компанияһы 1980 йылда Мәскәүҙә уҙған йәйге Олимпия уйындарының генераль страховкалаусыһы була. Абруйлы сараның ышанысын яулаған йәмғиәт Сочиҙағы уҙасаҡ йәйге Олимпиаданың именлеген дә һаҡлаясаҡ.

Ҡеүәтле лә, ышаныслы ла

Теүәл 65 йыл элек барлыҡҡа килгән "Ингосстрах" компанияһына бөгөн миллиондарса шәхси клиент һәм тиҫтәләрсә мең компания ышаныс белдерә. Улар иҫәбендә ҙур сәнәғәт предприятиелары, банктар, сит ил ойошмалары, транспорт һәм сауҙа фирмалары бар. Күптәре билдәле страховкалаусы менән оҙаҡ йылдар хеҙмәттәшлек итә.
"Ингосстрах" күрһәткән хеҙмәттәр күп төрлө: балаларҙы, сәйәхәтселәрҙе, милекте страховкалау, ирекле медицина страховкаһы, ОСАГО, ДСАГО, КАСКО, ойошмаларҙы тулыһынса хеҙмәтләндереү (мөлкәтен, абруйын, эшмәкәрлеген, пенсия программаларын страховкалау).
Компания үҙенең клиенттары кисергән барлыҡ матди юғалтыуҙы тотҡарлыҡһыҙ ҡайтара. Финанс тотороҡлолоғо, ҙур күләмдәге бюджеты һәм башҡа компаниялар менән өлөшләтә страховкалау программаһы уны ҡеүәтле һәм ышаныслы итә.
Рәсәйҙең төрлө төбәгендә "Ингосстрах"ҡа мөрәжәғәт итергә була. Уның офистары илдең 200-ҙән ашыу ҡала һәм ауылында урынлашҡан. Бынан тыш, яҡын һәм алыҫ сит илдәрҙә ярҙамсы компаниялары эшләй.

Өфө йүкәләре сәскә атыр әле...

"Ингосстрах", кешеләргә генә түгел, тәбиғәткә лә иғтибар бүлә. Ай башында Өфөлә уҙған "Ингосстрах" аллеяһы" акцияһы быға шик ҡалдырманы.
Экологик сара барышында баш ҡалабыҙҙың Көньяҡ биҫтәһендә 65 йүкә ултыртылды. Унда ҡала хакимиәте вәкилдәре, компанияның хеҙмәткәрҙәре һәм клиенттары, Өфө халҡы ҡатнашты.
Ҡунаҡтар араһында Өфө ҡалаһы хакимиәте башлығы урынбаҫары Илдар Хәсәнов, "Будь здоров" Мәскәү клиникаһының Өфөләге филиалының баш табибы Роза Краснова һәм компанияның күптәнге дуҫтары, партнерҙары булды.
— Ағастар ҡалаға йәм өҫтәр, кешеләрҙе тирә-яҡ мөхитте һаҡларға өндәр, төбәгебеҙҙең үҫеше хаҡында уйланған һәр кемгә матур өлгө булыр, — ти "Ингосстрах"тың хеҙмәткәрҙәре.
"Ингосстрах" аллеяһы" акцияһы Берләшкән милләттәр ойошмаһының планетабыҙҙы йәшелләндереүгә йүнәлтелгән "Миллиард ағас" программаһына ярашлы уҙғарыла. Ул 15 сентябрҙә Якутскиҙа башланған. Компания ике ай эсендә илдең ҙур ҡалаларында 3 мең төп ағас ултыртыу маҡсатын ҡуйған.
Акция 16 ноябрҙә — “Ингосстрах”тың тыуған көнөндә тамамлана. Шул уңайҙан сарала ҡатнашыусыларҙың "Ингосстрах" аллеялары” барлыҡҡа килгән ҡалаларҙа төшөрөлгән фотоһүрәттәренән күргәҙмә ойоштороласаҡ.