Учалы районының Ҡоҙаш ауылында бөгөн күркәм туй тантанаһы. Изге йомала никахлашҡан ошо ауыл һылыуы Лидия менән Өфө егете Шәфҡәтте ғүмерҙәрендәге иң иҫтәлекле һәм сағыу ваҡиға айҡанлы ҡайнар ҡотлайбыҙ! Бер-берегеҙҙе ҡәҙерләп, ихлас һөйөп-һөйөлөп, Ирәмәлдәй мәғрур бәхет тауына етәкләшеп менегеҙ. Үҙегеҙ кеүек һөйкөмлө һәм тәүфиҡлы балалар үҫтереп, шатлыҡ-ҡыуаныстарға төрөнөп донъя көтөгөҙ!

Иң изге теләктәр менән Ғәлиәхмәтовтар, Зәйнуллиндар, Исмәғилевтәр, Сәлимовтар.

* * *

Хәйбулла районының Вәзәм ауылында тыуып үҫеп, хәҙер Аҡъяр ҡасабаһында йәшәүсе ҡәҙерле туғаныбыҙ Фәрҙиә Ишмөхәмәт ҡыҙы Байбулатова (Хунафина) ошо көндәрҙә күркәм юбилейын — 55 йәшен билдәләй.
Ҡәҙерлебеҙҙе байрам менән ҡотлап, иң изге теләктәребеҙҙе еткерәбеҙ: оҙон ғүмер, ҡаҡшамаҫ һаулыҡ, күңел тыныслығы насип булһын, тыуыр көндәр гел шатлыҡ-ҡыуаныстар ғына алып килһен. Шәфҡәт тулы матур күңелеңә, хәстәрлекле булыуыңа рәхмәт. Улың Марат, киленең Луиза, ейәнсәрең Эльвина, ейәнең Бәхтийәрҙең изгелектәрен күреп, ҡәҙер-хөрмәткә генә төрөнөп йәшәргә яҙһын. Мул һәм бәрәкәтле тормош, көтөлмәгән ҡыуаныстар теләйбеҙ.

Иң изге теләктәр менән апайҙарың Мөслимә, Зәйтүнә, һеңлең Әлфиә, Әлфирә,
кейәүҙәрең Азамат, Илсур, ҡыҙҙары Азиза.

* * *

Бүздәк районының Ҡаңны-Төркәй ауылында тыуып үҫкән, әлеге ваҡытта Дәүләкән ҡалаһында йәшәүсе яҡын кешебеҙ — Флүрә Төхвәтша ҡыҙы Шәйәхмәтова оло байрамын — 55 йәшлек күркәм юбилейын билдәләй.
Ҡәҙерлебеҙҙе ҡотлап, иң изге теләктәребеҙҙе еткерәбеҙ, ныҡлы сәләмәтлек, шатлыҡ-ҡыуаныстарға бай яҡты көндәр, бәхет теләйбеҙ. Балаларының изгелеген күреп, оҙон-оҙаҡ йәшәргә яҙһын.
Күңелеңдән яҡты ҡояш наҙы,
Бәхет нуры һис тә китмәһен.
Шат йылмайып ҡаршы ал һин
Ғүмереңдең һәр бер иртәһен.

Ҡотлау менән Бөрө ҡалаһынан
Венера менән Марс Кәбировтар,
Өфө ҡалаһынан Фәриҙә менән
Илдар Сәйетбатталовтар,
Резида менән Рәил Шәймәрҙәновтар.

* * *

Көҙ айының үҙенсәлекле бер илаһи миҙгелендә Әлшәй районының Сурай ауылында донъяға килгән тормош иптәшем, атайыбыҙ һәм ҡартатайыбыҙ Вәлиев Илдар Миңлерәсим улын алтын юбилейы менән ысын күңелдән ҡайнар ҡотлайбыҙ!
Ҡәҙерле кешебеҙ, ғүмер юлыңдағы ошо матур миҙгелеңдә һиңә ныҡлы сәләмәтлек, яңынан-яңы ҡыуаныстар, мул тормош теләйбеҙ.
Киләсәк көндәреңдә лә ғаилә усағында балалар-ейәнсәрҙәр игелеген күреп, һәр атҡан алһыу таңға, ҡыҙарып сыҡҡан йылы ҡояш нурҙарына, алтын көҙҙөң муллығына, ғүмерҙең иң гүзәл миҙгелдәренә һоҡланып, шатлыҡ-ҡыуаныстарға бай, сәләмәт булып, мул тормошта, бәхеттә йәшәргә Хоҙай насип итһен һиңә!

Аҡ бәхеттәр юлдаш булһын һиңә,
Көндәреңде шатлыҡ биҙәһен.
Сәләмәтлек — үҙе бәхет бит ул,
Хоҙай шунан мәхрүм итмәһен.

Иң изге теләктәр менән тормош иптәшең Гөлфара, улдарың Илмир, Эльвир, киленең Гөлнара һәм ейәнсәрҙәрең Милана, Эмма.