Хәҙер күп функциялы үҙәктә гражданлыҡты рәсмиләштерергә һәм МХО-ла ҡатнашыусыларға ярҙам алырға мөмкин.

Башҡортостан Хөкүмәте «Минең документтарым» күп функциялы үҙәктәрендә күрһәтелгән хеҙмәттәр исемлеген киңәйтеү тураһында ҡарар ҡабул итте. Премьер-министр Андрей Назаров ҡул ҡуйған документ күп функциялы үҙәктең 2016 йылдан ғәмәлдә булған эш тәртибенә үҙгәрештәр индерә.

Хеҙмәттәр исемлегенә ике яңы пункт өҫтәлгән. 14 йәшкә тиклемге балалар өсөн тыуғандан алып Рәсәй гражданлығын рәсмиләштереү тураһында ғаризалар ҡабул итеү — хеҙмәтте Башҡортостан буйынса Эске эштәр министрлығы күрһәтә. Шулай уҡ махсус хәрби операцияла ҡатнашыусыларға ярҙам итеү өсөн «Ватанды һаҡлаусылар» дәүләт фондының БР буйынса филиалы тарафынан комплекслы оҙатыу өсөн документтар ҡабул ителә.

Шулай итеп, ҡарар үҙ көсөнә ингәндән алып күп функциялы үҙәктең теләһә ҡайһы бүлексәһендә ошо хеҙмәттәрҙе алырға мөмкин, миграция хеҙмәтенә йәки фондтың филиалына мөрәжәғәт итергә кәрәкмәй.

Ҡарар ҡул ҡуйылған көндән – 2026 йылдың 27 июлендә көсөнә инде.

Белешмә

Бөгөнгә республикала Күп функциялы үҙәктәр селтәрендә 75 бүлексә иҫәпәләнә. Бында һалым хеҙмәте, шул иҫәптән бизнесты теркәү һәм декларация тапшырыу, шулай уҡ төрлө йүнәлештәге муниципаль һәм дәүләт хеҙмәттәрен алырға мөмкин. «Берҙәм тәҙрә» принцибы граждандарға бер урында бер нисә мәсьәләне хәл итергә мөмкинлек бирә.