«Башҡортостан»ды алдырыусылар отолмай тиһәк, һис хата булмаҫ. Беренсенән, улар гәзитте уҡып үҙенә файҙалы мәғлүмәт ала, икенсенән, лотерея уйынында ҡатнашып, төрлө бүләктәр отоу бәхетенә эйә.
Алдан хәбәр итеүебеҙсә, еңеүселәргә «Серафимовка ҡош мамығы» һәм «Башҡорт ҡаҙы» предприятиеларынан бүләктәр вәғәҙә ителде. Уның шарты ла ябай: кем тиҙ арала гәзиттең аҙнаһына биш тапҡыр сыҡҡанына яҙылып, квитанцияның күсермәһен редакцияға ебәрә, лотерея уйынында ҡатнаша ала ине. Гәзит уҡыусыларыбыҙҙан өс йөҙҙән ашыу квитанция килде. Еңеүселәрҙе билдәләргә беҙгә Өфө ҡалаһының 268-се балалар баҡсаһынан Ирхан Ишморатов ихлас ярҙам итте: лототрондан квитанцияларҙы тартып сығарҙы. Бына ул тулҡынландырғыс минуттар һәм йылы юрған отоусыларҙың исемдәре лә асыҡланды:
Айрат Исҡужин – Стәрлетамаҡ ҡалаһы;
Әкрәм Әхмәтов – Баймаҡ районының Төркмән ауылы;
Миңзәлә Хәмиҙуллина – Илеш районының Илеш ауылы;
Наилә Бикбаева – Ейәнсура районының Иҫәнғол ауылы;
М. Шәғәлиева – Бүздәк районының Ҡаңны-Төркәй ауылы;
Миңлейән Ғәбделмәнов – Әлшәй районының Ҡармыш ауылы;
Рәсилә Әхмәтйәнова – Тәтешле районының Үрге Тәтешле ауылы;
Л. Урманшина – Күмертау ҡалаһы;
Г. Хөснөтдинова – Әбйәлил районының Сиҙәм ауылы;
Тамара Шәрипова – Мәләүез районының Кузьминское ауылы.
Кемдәр бүләк ота алмаған, күңелегеҙҙе төшөрмәгеҙ. Йыл дауамында төрлө конкурстар, акциялар үткәреләсәк, уңыш та йылмайыр. Тик беҙҙең менән ҡалығыҙ!
Лотерея уйынында еңеүселәрҙе ҡотлайбыҙ! Отҡан бүләгегеҙҙе тиҙ арала килеп алыуығыҙ һорала. Үҙегеҙ менән паспорт, социаль номер, Пенсия фонды страховкаһы таныҡлығы күсермәһен алып килегеҙ йәки 272-62-61, 273-83-92 телефондары аша маркетинг һәм матбуғат таратыу бүлегенә мөрәжәғәт итегеҙ.