Баш ҡалала 16-сы гимназияла үҫмерҙе ҡулға алған Росгвардия хеҙмәткәрҙәре бүләкләнде » Башҡортостан гәзите | Газета Башкортостан на башкирском языке. Архив материалов.

Башҡортостан гәзите » Йәмғиәт » Баш ҡалала 16-сы гимназияла үҫмерҙе ҡулға алған Росгвардия хеҙмәткәрҙәре бүләкләнде

Баш ҡалала 16-сы гимназияла үҫмерҙе ҡулға алған Росгвардия хеҙмәткәрҙәре бүләкләнде 08.04.2026 // Йәмғиәт

Баш ҡалала 16-сы гимназияла үҫмерҙе ҡулға алған Росгвардия хеҙмәткәрҙәре бүләкләнде

Фото: скриншот | Өфө хакимиәтенең оператив кәңәшмәһе

Өфө мэрияһында уҙған оператив кәңәшмәлә 16-сы гимназияла үҫмер уйынсыҡ автомат менән класташтарына һөжүм иткәндән һуң ғәҙәттән тыш хәл урынына беренсе булып килеп еткән Росгвардия хеҙмәткәрҙәре бүләкләнде. Мэр Ратмир Мәүлиев полиция старшинаһы, 1-се полиция батальоны водителе Дмитрий Агибаловҡа һәм полиция кесе сержанты, Росгвардия идаралығы 1-се полиция батальонының өлкән полицейскийы Никита Толстыхҡа ҡала хакимиәтенең рәхмәт хаттарын тапшырҙы.

«Бик күп ялған мәғлүмәттәр таралды, әммә һеҙ тәүгеләрҙән булып килеп еттегеҙ һәм ғәҙәттән тыш хәл урынында эшегеҙҙе яҡшы башҡарҙығыҙ. Ҡала хакимиәтенән һәм халыҡтан рәхмәт һүҙҙәрен еткерергә теләйем», – тине баш ҡала мэрияһы башлығы.

Хәтерегеҙгә төшөрәбеҙ, ғәҙәттән тыш хәл 3 февралдә көндөҙгө сәғәт 11 сәғәт тирәһендә булды. 9-сы класс уҡыусыларының береһе дәрескә пластик пневматик ҡорал тотоп килгән. Ул уҡытыусыға һәм өс класташына бер нисә тапҡыр атҡан, һуңынан петарда шартлатҡан. Урынға Росгвардия, полиция хеҙмәткәрҙәре килгән. Уҡыусыны тотҡанда ул ҡаршылыҡ күрһәтмәгән.

https://www.bashinform.ru/news/social/2026-04-08/v-ufe-nagradili-rosgvardeytsev-zaderzhavshih-podrostka-v-gimnazii-16-4643829

Автор: Ләйсән Закирова / Источник

Баҫып сығарырға