Башҡортостанда БПЛА һөжүм иткән урындан кадрҙарҙы төшөрөргә ярамауын иҫкәрттеләр

Башҡортостанда йәшәүселәргә БПЛА һөжүм иткән урынды фотоға һәм видеоға төшөрөү, таратыу закон менән ҡәтғи тыйылыуы тураһында иҫкә төшөрҙөләр. Бындай материалдар дошман өсөн разведка мәғлүмәттәре булыуы ихтимал.

«Фактчекинг по-башкирски» ТГ-каналы хәбәр итеүенсә, дошман дрондарының Өфөгә һөжүменән һуң ҡайһы бер «һары» телеграм-каналдар террор һөжүме урындарынан видео һәм фотолар һалды. Кадрҙарҙы тиҙ арала ЦИПСО-ның мониторинг ресурстары күҙ уңына алды. Ошо мәғлүмәттәр буйынса дошман пилотһыҙ осоу аппаратының ҡайҙа төшөүен, уны ниндәй система бәреп төшөрөүен күҙәтеп бара, һөжүмдең һөҙөмтәлелеген баһалай.

«Махсус хоҡуҡи режим ғәмәлдә булған шарттарҙа был дошманға разведка мәғлүмәттәре тупларға ярҙам итеү тип баһалана», – тиелә баҫмала. 

Бының өсөн административ штраф һалыу ҡаралған: граждандарға –  3000-5000 һум, вазифалы кешеләргә – 10 000-30 000 һумғ, ойошмаларға – 100 000-500 000 һум.

Рәсми мәғлүмәттәрҙе Ғәҙәттән тыш хәлдәр министрлығы, Оборона министрлығы, хоҡуҡ һаҡлау органдары, төбәк һәм муниципаль властар ғына тарата, тип иҫкә төшөрә белгестәр. Әгәр һөжүмгә шаһит булһағыҙ, фотоға, видеоға төшөрмәгеҙ һәм интернетҡа һалмағыҙ. Телефондағы геолокацияны һүндерегеҙ, тәҙрәнән ситкәрәк китегеҙ һәм махсус хеҙмәттәргә хәбәр итегеҙ.

https://www.bashinform.ru/news/social/2026-04-02/v-bashkirii-napomnili-o-zaprete-publikovat-kadry-s-mesta-atak-bpla-4636929