Яҡташыбыҙ гәзиткә яҙылған өсөн шифаханаға юллама отҡан

27 мартта БСТ телеканалының тура эфирында 2026 йылдың беренсе ярты йыллығына матбуғатҡа яҙылыу йомғаҡтары буйынса «Башҡортостан Республикаһы» нәшриәт йортоноң республика, ҡала һәм район баҫмаларына яҙылыусылар араһында бүләктәр уйнатылды һәм еңеүселәр иғлан ителде.

Дыуан районынан «Йәшлек» һәм «Дуванский вестник» гәзиттәренә яҙылыусы ноутбуклы булды, ҡар көрәү машинаһын Нуриман районынан «Толпар» журналы һәм «Красный ключ» гәзитенә яҙылыусы алды, туңдырғыс һандыҡ – Өфөнән «Аманат» журналына һәм «Һәнәк» журналына яҙылған ханымда, ә телевизорҙы баш ҡалабыҙҙан «Йәшлек» һәм «Яңы Балаҡатай» гәзиттәренең даими уҡыусыһы отто, робот-саң һурҙырғыс менән Ейәнсура районынан «Башҡортостан уҡытыусыһы» журналы һәм «Ейәнсура таңдары» гәзитенә яҙылыусы бүләкләнә.

Махсус бүләк – «Ҡарағай» шифаханаһына юллама Өфөнән «Йәшлек» һәм «Беҙҙең Ҡыйғы» гәзиттәренә яҙылған ханымға тапшырыла.

Бынан алдараҡ «Башинформ» Башҡортостандың баҫма киң мәғлүмәт сараларына яҙылыу буйынса лидер төбәктәр иҫәбенә инеүе хаҡында хәбәр иткәйне.

https://www.bashinform.ru/news/social/2026-03-27/zhitelnitsa-bashkirii-vyigrala-putevku-v-sanatoriy-za-podpisku-na-gazety-4630010