Башҡорт хужабикәһе яңы тормош башлаған

Өфөнән блогер Миләүшә Шәйхлисламованы республикала күптәр Башҡорт хужабикәһе булараҡ белә. Уның ябай хужабикә, әрһеҙ, бер аҙ мәҙәк ҡатын-ҡыҙ образы социаль селтәрҙә миллиондан ашыу кешенең иғтибарын йәлеп итә. Әммә блогер бер йыл элек тормошон төбө-тамыры менән үҙгәртергә ҡарар ҡыла. Бөгөн иһә «Башинформ» агентлығына танымаҫлыҡ булып үҙгәргән ҡупшы ханым килде.

«Бер йыл элек тышҡы ҡиәфәтемде тулыһынса үҙгәртергә ҡарар иттем. 53 килограмға ябыҡтым. Элекке Миләүшәнең яртыһы ғына тороп ҡалды», — тип һөйләне «Башинформ» хәбәрсеһенә Миләүшә Шәйхлисламова сәй өҫтәле артында.

Әммә Башҡорт хужабикәһе киҫкен үҙгәрештәрҙән һуң үҙенең йәшәү рәүеше шул уҡ ҡалыуы, артабанғы ижады хаҡында һөйләне. Кисә — хужабикә, бөгөн — «гламур» гүзәл зат вәкиле? Был ҡаршылыҡтар тормошона нисек йоғонто яһай? Блогер билдәлелек өсөн тағы ла ниҙәргә әҙер? Миләүшә Шәйхлисламованы ҡыҙыҡлы, мәрәкә тарихтарын асыҡтан-асыҡ һөйләне. Улар хаҡында белгегеҙ килһә, «Башинформ» агентлығының яҙмаларын күҙәтеп барығыҙ.