1 февралдән уның күләме 5,6% артты.

Башҡортостанда хәҙер баланы ғаиләгә тәрбиәгә тапшырғанда бер тапҡыр бирелә торған пособие район коэффициентын иҫәпкә алып 32 718,02 һум була, элек 30 982,97 һум ине, тип хәбәр иттеләр Социаль фондтың республика буйынса бүлексәһенең матбуғат хеҙмәтенән.

Айырым осраҡтарҙа, ғаилә 7 йәше тулған баланы, шулай уҡ ике һәм унан күберәк бер туғанды тәрбиәгә алған осраҡта, пособие күләме 1 февралдән 249 992,30 һумға тиклем индексацияланды. Бер тапҡыр түләнә торған аҡса ғаиләгә тәрбиәгә алынған һәр бала өсөн бирелә.

Аҡсаны уллыҡҡа алыусылар, опекундар, тәрбиәгә алған ата-әсәләр һәм попечителдәр, шулай уҡ Рәсәйҙә даими йәшәгән сит ил граждандары һәм гражданлығы булмаған кешеләр алырға хоҡуҡлы.

Түләүҙе Социаль фонд бүлексәһендә, күп функциялы үҙәктә йәки Дәүләт хеҙмәттәре порталы аша баланы ғаиләгә ҡабул иткәндән һуң 6 ай эсендә алырға мөмкин. Түләү тураһында ҡарар 10 эш көнө эсендә ҡабул ителә, аҡса раҫланғандан һуң 5 эш көнөнән һуң күсерелә.

Былтыр Башҡортостанда 1202 ғаилә ошо түләүҙе алды, тип өҫтәнеләр ведомствола.

https://www.bashinform.ru/news/social/2026-02-03/v-bashkirii-nazvali-summu-edinovremennoy-vyplaty-usynovitelyam-4562535