Үрге Тәтешле ауылынан Миңлесания инәйгә 100 йәш тулды

Ватанды һаҡлаусылар йылында Башҡортостандың Үрге Тәтешле ауылынан тыл эшсәне Миңлесания Закирова бер быуатлыҡ юбилейын билдәләй. Тәтешле районы башлығы Фәнүр Шәйхисламов ветеранға Рәсәй Федерацияһы президенты Владимир Путиндан һәм Башҡортостан Республикаһы Башлығы Радий Хәбировтан бүләктәр һәм ҡотлау хаттарын тапшырҙы.

«Уның тормошо – ҡаһарманлыҡ, ныҡлыҡ һәм Тыуған илде сикһеҙ яратыу өлгөһө ул. Йәш сағынан уҡ ул тылдағы эштең ауырлығын үҙ иңендә татыған», – тип билдәләне Шәйхисламов.

Миңлесания Ғимадрислам ҡыҙы бар ғүмерен тыуған төйәгенең мәнфәғәте өсөн тырышып хеҙмәт итеүгә бағышлай: агроном, тегенсе, бухгалтер булып эшләй. Уның намыҫлылығы һәм һөнәрилеге лайыҡлы баһалана, ул райондың йәмәғәт туҡланыуы предприятиеһының баш бухгалтеры итеп тәғәйенләнә. «Бөйөк Ватан һуғышында маҡтаулы хеҙмәте өсөн» миҙалы менән бүләкләнә.

Миңлесания инәй бына тигән балалар тәрбиәләп үҫтергән. Улар уҡытыусы һөнәрен һайлаған һәм тормошон йәш быуынға белем биреүгә арнаған. 

https://www.bashinform.ru/news/social/2025-11-13/zhitelnitse-tatyshlinskogo-rayona-iz-bashkirii-ispolnilos-100-let-4464757