Хәрби рәссам Башҡортостандың Милли музейына яҡташ яугирҙәрҙең портреттарын бүләк итте

Бүләкте тапшырыу тантанаһы Өфөлә армия мәҙәниәте көндәре барышында уҙҙы.

Махсус хәрби операцияла ҡатнашыусы, Рәсәйҙең Рәссамдар союзы һәм Рәсәй рәссамдарының ижади союзы ағзаһы Юрий Сивачёв үҙенең дүрт картинаһын — Башҡортостанда тыуып үҫкән яугирҙәрҙең, тәүге фронт ижади бригадаһынан хеҙмәттәштәренең портреттарын тапшырҙы.

Был картиналарҙа Сибай концерт-театр берекмәһе артистары Әлфир Заманов, ағалы-ҡустылы Фларид һәм Фидан Бирғәлиндар һәм «Сулпан» театры артисы Илнур Сәфәров һүрәтләнгән.

Хәтерегеҙгә төшөрәбеҙ, Армия мәҙәниәте көндәре сиктәрендә Юрий Сивачёвтың «Беҙҙең заман геройҙары» экспозицияһы Башҡорт опера һәм балет театрында ҡуйылған.

Хәбәр иткәнебеҙсә, бөгөн, «Армия мәҙәниәте көндәре» фестиваленең һуңғы көнөндә, Өфөнөң Совет майҙанында «Геройҙар ваҡыты» патриотик йыр конкурсының финалы һәм еңеүселәрҙе бүләкләү тантанаһы була.

https://www.bashinform.ru/news/social/2025-08-27/voennyy-hudozhnik-podaril-natsmuzeyu-rb-portrety-boytsov-svo-iz-bashkirii-4363695