Башҡортостанда «Атай ҡаһарманлығы» конкурсына ғаризалар 20 авгусҡа тиклем ҡабул ителә

Башҡортостанда атайҙарҙы VI «Атай ҡаһарманлығы» республика конкурсында ҡатнашырға саҡыралар.

Башҡортостан Йәмәғәт палатаһының матбуғат хеҙмәте хәбәр итеүенсә, конкурста ҡатнашырға теләүселәрҙең күп булыуына бәйле 24 июлдә Йәмәғәт палатаһы Советы ултырышында конкурсҡа ғаризалар ҡабул итеү ваҡытын 2025 йылдың 20 авгусына тиклем оҙайтыу тураһында ҡарар ҡабул ителде.

Хәбәр ителеүенсә, әлеге ваҡытта конкурс комиссияһына 170 ғариза килгән. Бүләкләү тантанаһы ағымдағы йылдың октябрендә була.

Хәтерегеҙгә төшөрәбеҙ, конкурс тураһында положениела конкурс ғаризаларын баһалауҙың 3 критерийы билдәләнгән: конкурста ҡатнашыусының балалар тәрбиәләүгә; йәмәғәт, ирекмәнлек эшмәкәрлегенә; ғаилә ҡиммәттәрен үҫтереүгә индергән өлөшө.

Конкурста ҡатнашыусыларға анкета-ғариза тултырырға кәрәк. Конкурс шарттары тураһында тулыраҡ бында белергә мөмкин.

https://www.bashinform.ru/news/social/2025-07-25/v-bashkirii-zayavki-na-konkurs-ottsovskaya-doblest-prinimayutsya-do-20-avgusta-4326175