Республикала эшләп йөрөгән пенсионерҙарға пенсиялар ҡайтанан иҫәпләнә

Социаль фонд 2025 йылдың 1 авгусынан эшләп йөрөгән пенсионерҙарҙың страховка пенсияһын ҡайтанан иҫәпләй, бының өсөн ғариза яҙыу талап ителмәй. Был хаҡта Рәсәй Социаль фондының телеграм-каналы хәбәр итә.

2024 йылда ла рәсми рәүештә эшләүен дауам иткән пенсионерҙарҙың пенсияһына өҫтәмә аҡса түләнә. Күләме индивидуаль пенсия коэффициенты (ИПК) дәүмәленән һәм уның хаҡынан сығып билдәләнә. Иң күбе өс пенсия коэффициентын алырға мөмкин.

2025 йылдың июлендә 80 йәше тултырғандар өҫтәмә алырға хоҡуҡлы (страховка пенсияһына 17 815,4 һум). Быйыл июлдә I төркөм инвалидлыҡ алған пенсионерҙарға ла өҫтәмә ҡаралған (уларҙың аныҡ билдәләнгән түләү күләме 8 907,7 һумға арта). Шулай уҡ ошо ике категорияға ҡарау өсөн өҫтәмә: страховка пенсияһына — 1314 һум, дәүләт пенсияһына иһә 1377 һум.

«Пенсияға өҫтәмә берәүһенә генә нигеҙләнеп түләнә», — тип билдәләнә хәбәрҙә.

Социаль фондҡа мөрәжәғәт итергә кәрәкмәй. Аҡса августа ғәҙәти график буйынса күсерелә. Бының өсөн ғариза яҙыу талап ителмәй.

https://www.bashinform.ru/news/social/2025-07-24/rabotayuschim-pensioneram-bashkirii-pereraschitayut-pensii-4325231