Рәсәй хөкүмәтендә Башҡортостанды торлаҡты сафҡа индереү буйынса лидерҙарҙың береһе тип атанылар

Төбәк үҫеше буйынса хөкүмәт комиссияһы ултырышында торлаҡ һәм юл төҙөлөшө мәсьәләләре, «Тормош өсөн инфраструктура» милли проектын ғәмәлгә ашырыу, шулай уҡ президенттың төҙөлөш тармағын артабан үҫтереү буйынса йөкләмәләре тикшерелде.

Рәсәй хөкүмәте рәйесе урынбаҫары Марат Хөснуллин Башҡортостанды йыл һайын торлаҡты файһаланыуға тапшырыу һәм торлаҡ төҙөлөшө күләменең ыңғай динамикаһы күҙәтелгән 18 төбәк иҫәбенә индерҙе. Ул шулай уҡ Башҡортостанды йән башына торлаҡты сафҡа индереү буйынса 2030 йылғы милли проект күрһәткестәренә еткән төбәктәр иҫәбендә булыуын әйтте (бер кешегә 0,82 квадрат метрҙан да кәм түгел).

Бынан тыш, Башҡортостан Мәскәү, Мәскәү өлкәһе, Санкт-Петербург менән бер рәттән 2020-2024 йылдарҙа торлаҡ төҙөлөшөнә ҙур өлөш индергән, ошо осорҙа 10 миллион квадрат метрҙан ашыу торлаҡты файҙаланыуға тапшырған 11 төбәк иҫәбенә инде. «Башинформ» хәбәр иткәнсә, быйыл да республикала торлаҡ төҙөлөшө темптары арта.

Артабан арттырыу өсөн төбәктәр алдына объекттар төҙөү ваҡытын ҡыҫҡартыу, торлаҡ һәм юл төҙөлөшө буйынса эште көсәйтеү, шулай уҡ инфраструктураны яңыртыу кеүек бурыстар ҡуйылды.

https://www.bashinform.ru/news/nacproject/2025-06-10/v-pravitelstve-rossii-nazvali-bashkiriyu-odnim-iz-liderov-po-vvodu-zhilya-4271885