Өфөлә йәйгеһен ҡала ситендәге лагерҙарҙа 12,3 меңдән ашыу бала ял итәсәк

Өфөлә йәйгеһен ҡала ситендәге лагерҙарҙа 12,3 меңдән ашыу бала ял итәсәк. Был хаҡта мэрияла уҙған оператив кәңәшмәлә мәғариф идаралығы етәксеһе Азат Батыршин белдерҙе. Уның һүҙҙәренсә, бөтәһе 110 меңдән ашыу, шул иҫәптән социаль яҡланмаған төркөмдәр категорияһынан 12,5 мең баланы ял иттереү планлаштырыла.

«Быйыл 263 ял ойошмаһы эшләй. Шуларҙың 130-ы – көндөҙгө лагерь, 121-е – хеҙмәт һәм ял лагеры, 12-һе ҡала ситендә урынлашҡан», – тип асыҡлыҡ индерҙе Азат Батыршин.

Ял итеү учреждениелары үҙ эшен күҙәтеү органдары рөхсәте менән генә башлай, тип өҫтәне ул.

27 майҙан Өфөлә 127 мәктәп яны лагеры эшләй башланы, уларҙа 14 125 бала һауыҡтырыла. 1 июндән ҡала ситендәге лагерҙар асыла. Йәй көнө 12 ҡала ситендәге лагерҙа 12 305 бала ял итер һәм һаулығын нығытыр тип планлаштырыла. МХО-ла ҡатнашыусыларҙың ғаиләләренән 125 бала өсөн «Фестиваль» муниципаль лагеры асыла. Бынан тыш, муниципаль ҡала ситендәге лагерҙарҙа республикала иғлан ителгән Махсус хәрби операцияла ҡатнашыусыларға һәм уларҙың ғаилә ағзаларына ярҙам күрһәтеү йылы сиктәрендә мәғариф идаралығы Өфөнөң Йәмәғәт палатаһы менән берлектә Ҡаһарманлыҡ дәрестәре үткәрә, тине Азат Батыршин.

https://www.bashinform.ru/news/obrazovanie/2025-05-28/v-ufe-v-letnih-zagorodnyh-lageryah-otdohnut-bolee-12-3-tysyachi-detey-4253784