Өфө мәктәптәрен тамамлаусылар «Һуңғы ҡыңғырау» байрамын нисек билдәләй » Башҡортостан гәзите | Газета Башкортостан на башкирском языке. Архив материалов.

Башҡортостан гәзите » Йәмғиәт » Өфө мәктәптәрен тамамлаусылар «Һуңғы ҡыңғырау» байрамын нисек билдәләй

Өфө мәктәптәрен тамамлаусылар «Һуңғы ҡыңғырау» байрамын нисек билдәләй 21.05.2025 // Йәмғиәт

Өфө мәктәптәрен тамамлаусылар «Һуңғы ҡыңғырау» байрамын нисек билдәләй

24 майҙа туғыҙынсы һәм ун беренсе класты тамамлаған 17,5 мең уҡыусы өсөн һуңғы ҡыңғырау яңғырай. Был хаҡта ҡала мэрияһында уҙған оператив кәңәшмәлә Өфө хакимиәтенең мәғариф идаралығы начальнигы Азат Батыршин белдерҙе. Уның һүҙҙәренсә, 2024-2025 уҡыу йылында баш ҡалала 13 меңгә яҡын туғыҙынсы һәм дүрт мең ярымдан ашыу ун беренсе класс уҡыусыһы мәктәп тамамлай.

«Көндөң тәүге яртыһында 125 мәктәптә 9-сы класты тамамлаусылар өсөн линейкалар үткәрелә. Ә 116-һында ун беренселәр өсөн һуңғы ҡыңғырау яңғырай. Тантаналы саралар барышында дәүләт флагтарын күтәрәләр, Рәсәй һәм Башҡортостан гимндарын башҡаралар. Абруйлы ҡунаҡтар араһында – депутаттар, дәүләт наградалары менән бүләкләнгән ғаиләләрҙең вәкилдәре, МХО-ла ҡатнашыусылар», — тине Азат Батыршин.

Мәктәптәге сараларҙан һуң сығарылыш уҡыусылары Ленин исемендәге майҙанда «Һуңғы мәктәп ҡыңғырауы» ҡала байрамында ҡатнаша.

Ун беренселәр өсөн байрам программаһы «Планета» сауҙа-күңел асыу үҙәге ҡыйығының күҙәтеү майҙансығында тамамлана. Улар өсөн блогерҙар һәм диджейҙар сығыш яһай. Сара киске сәғәт 5-тә башлана.

https://www.bashinform.ru/news/social/2025-05-21/stalo-izvestno-kak-vypuskniki-ufimskih-shkol-otprazdnuyut-posledniy-zvonok-4244997

Автор: Дарья Субботина
Источник: https://bash.bashinform.ru/news/social/2025-05-21/f-m-kt-pt-ren-tamamlausylar-u-y-y-yrau-bayramyn-nisek-bild-l-y-4245343

Баҫып сығарырға