Башҡортостанда тыл ветераны Лидия Ситчихина 100 йәшлек юбилейын билдәләне

Дыуан районының Ярославка ауылынан тыл ветераны Лидия Ситчихина 100 йәшлек юбилейын билдәләне. Район хакимиәте вәкилдәре йөҙйәшәр инәйҙе тыуған көнө менән ҡотланы.

Лидия Степановнаның бала сағы ауыр һуғыш йылдарына тура килә, һәм ул, меңәрләгән тыл эшсәндәре кеүек, Еңеүгә үҙ өлөшөн индерә. Алты йәшенән үк умарталыҡта ярҙамсы, һуңынан колхозда тир түгә.

1966 йылдан 1997 йылға тиклем Лидия Степановна Росгосстрах системаһында эшләй. 30 йылдан ашыу ғүмерен халыҡтың именлеге тураһында хәстәрлек күреүгә бәйле эшкә бағышлай. Хеҙмәт ветераны, изге күңелле һәм әүҙем тормош позицияһы булған кеше.

«Аралашыу» клубы уның тормошонда айырым урынды биләй. Ул әле лә асыҡ зиһенле, күтәренке рухлы, изге йәнле.

Лидия Ситчихинаның яратҡан ғаиләһе бар: ҡыҙы һәм ейәне әсәй, өләсәй тип өҙөлөп тора, уның менән бик ғорурлана. Ҡыҙы Мәскәүҙә йәшәй, ара алыҫ булһа ла, әсәһе менән даими бәйләнештә. Әле Лидия Степановнаға туғаны Татьянаның ғаиләһе ярҙам күрһәтә. Ул көн дә уның хәлен белешеп тора, ҡәҙерләп тәрбиәләй.

https://www.bashinform.ru/news/social/2025-04-17/v-bashkirii-veteran-tyla-lidiya-sitchihina-otmetila-100-letniy-yubiley-4201929