Республикала 100 йәшлек һуғыш ветераны торлаҡ менән тәьмин ителде

Башҡортостанда һуңғы алты йылда 392 Бөйөк Ватан һуғышы ветераны һәм ветерандарҙың ғаилә ағзалары торлаҡ менән тәьмин ителгән. Быйыл йыл башынан биш ғаиләгә ошондай ярҙам күрһәтелгән. Улар иҫәбендә Дүртөйлөнән Әҙеһәм Әхмәҙуллин да бар, 2024 йылдың сентябрендә уға 100 йәш тулды, тип хәбәр итте республиканың төҙөлөш һәм архитектура министры вазифаһын башҡарыусы Артем Ковшов социаь селтәрҙәге сәхифәһендә.

2025 йылда Башҡортостанға федераль бюджеттан ветерандарҙы торлаҡ менән тәьмин итеү өсөн 47,6 миллион һум бүленгән. Был 11 ветерандың ғаилә ағзаларына ярҙам күрһәтергә мөмкинлек бирә. Яңы ғаризалар килгән осраҡта муниципалитеттар ветерандарҙы тиҙ арала мохтаждар реестрына иҫәпкә ҡуйырға әҙер булырға тейеш, тип билдәләне республиканың төҙөлөш министры вазифаһын башҡарыусы. Бынан алда Бр Буйынса Социаль фонд ветерандарҙың пенсия менән бергә юбилей түләүҙәре аласағын хәбәр иткәйне.

Бынан алдараҡ Башҡортостан буйынса Социаль фонд ветерандарҙың пенсия менән бергә юбилей түләүҙәре аласағын хәбәр иткәйне.

https://www.bashinform.ru/news/social/2025-04-09/v-bashkirii-obespechili-zhiliem-100-letnego-veterana-voyny-4190234