Өфөлә һуғыш йылдарында эвакуацияланған ҡатын-ҡыҙҙарға миҙалдар тапшырылды

Өфөлә Еңеүҙең 80 йыллығы уңайынан Евгения Васильевна Куфтеринаға һәм Шакира Ғибәҙулла ҡыҙы Бикбулатоваға иҫтәлекле миҙалдар тапшырылды.

Баш ҡаланың Октябрь районы хакимиәтендә белдереүҙәренсә, Евгения Васильевна блокаданы кисергән һәм атаһынан башҡа Башҡортостанға эвакуацияланған. Ошонда уҡ Евгения Куфтерина белем алған һәм тәрбиәсе булып эшләгән.

Шәкирә Ғибәҙулла ҡыҙы – ғаиләләге 12 бала араһында иң кесеһе. Бөйөк Ватан һуғышы башланғанда уға һигеҙ йәш булған. Ата-әсәһе Мәскәү өлкәһенең «Молот» заводында эшләгән. 1943 йылдың мартында Шәкирә Бикбулатова әсәһе һәм апаһы менән бергә Башҡортостандың Шишмә районына эвакуацияланған.

«Уларҙың тарихы беҙгә тыныслыҡтың ҡәҙере һәм һуғышты үткәндәрҙең ҡаһарманлығына ихтирам күрһәтеүҙең мөһимлеге тураһында иҫкә төшөрә. Ветерандарыбыҙҙы яҡынлашып килгән байрам менән ҡотлайбыҙ һәм рәхмәт һүҙҙәрен еткерәбеҙ», — тиелә Совет районы хакимиәте белдереүендә.

Бынан алдараҡ Башҡортостанда 100 йәшлек тыл эшсәне Анна Сергеевна Зорина Еңеүҙең 80 йыллығы миҙалы менән бүләкләнгәйне.

https://www.bashinform.ru/news/social/2025-04-01/v-ufe-vruchili-medali-evakuirovannym-zhenschinam-v-gody-voyny-4169480