Башҡортостанда баланы беренсе класҡа яҙыуға 12 меңдән ашыу ғариза бирелгән

Башҡортостанда быйыл баланы беренсе класҡа яҙыуға 12,1 меңдән ашыу ғариза бирелгән. Был хаҡта социаль селтәрҙәге сәхифәһендә республиканың мәғариф һәм фән министры Илдар Мәүлитбирҙин хәбәр итте.

Дәүләт хеҙмәттәре аша 10,3 меңдән ашыу ғариза тапшырылған. Ведомство етәксеһе һүҙҙәренсә, кампанияның беренсе этабы — 1 апрелдән 30 июнгә, ә икенсеһе 6 июлдән һәм 5 сентябргә тиклем ойошторола.

«Беренсе этап мәктәпкә уҡырға инеү өсөн өҫтөнлөклө хоҡуҡҡа эйә булған балалар, шулай уҡ беркетелгән территорияла, йәғни мәктәп урынлашҡан районда йәшәгән балалар өсөн тәғәйенләнгән. Икенсе этап иһә беркетелгән биләмәлә йәшәмәгән балалар өсөн. Йәғни ошо этапта икенсе райондың мәктәптәренә ғариза бирергә мөмкин», — тине Мәүлитбирҙин.

 Республика дәүләт идаралығының һанлы үҫеш министры Геннадий Разумикин мәғлүмәттәре буйынса, Өфө, Нефтекама, Салауат, Стәрлетамаҡ, Октябрьский, Сибай, шулай уҡ Туймазы, Өфө, Ишембай һәм Бәләбәй райондары әүҙемлек күрһәткән.

2025 йылда баланы беренсе класҡа яҙыу тураһында тулыраҡ «Башинформ» лонгридында уҡығыҙ.

https://www.bashinform.ru/news/social/2025-04-01/v-bashkirii-na-zapis-v-pervyy-klass-podano-bolee-12-tysyach-zayavleniy-4179422