Башҡортостанда балта оҫтаһы ғаиләһе лотереяла 50 миллион һум отҡан

Башҡортостанда балта оҫтаһы ғаиләһе моменталь лотереяла 50 миллион һум аҡса отҡан. Улар бәхетле билетты «Столото» фирма магазинында һатып алған. Өйгә ҡайтып, скретч-ҡатламды юйғас, 50 миллион отоуҙарына ышанмай торғандар. Ир отошто алыу өсөн Мәскәүҙәге лотерея үҙәгенә юлланған.

Быға тиклем ғаиләнең 15, 30 мең, хатта 100 мең һум отҡаны булған. Был уларҙың күп миллионлы приз алырға мөмкин тигән ышанысын тағы ла арттырған. Ниһайәт, яҡташтарыбыҙға уңыш йылмайған. 

Ғаилә башлығы 20 йылдан ашыу балта оҫтаһы булып эшләй һәм һөнәрен алмаштырырға йыйынмай. Әммә хәҙер еңеүсенең ҡатыны ла, ҡыҙы ла эштән китергә, яратҡан эше менән шөғөлләнергә мөмкин. Лотерея отошона ғаилә күптәнге хыялын бойомға ашырырға – өс бүлмәле иркен фатир һатып алырға, ә ҡалған аҡсаны автомобиль өсөн кредитты ҡаплау һәм хәйриәлек өсөн тотонорға уйлай.

«Столото» мәғлүмәттәре буйынса, Башҡортостанда йәшәүселәр бер йылда бөтәһе 1,5 миллиард һумдан ашыу отҡан. 2024 йылда республика Рәсәйҙең иң бәхетле 5 төбәге исемлегенә ингән. Төбәктә 6 миллиондан ашыу билет һатылған. Уҙған йылда Башҡортостандан 38 кеше, лотерея уйнап, миллионер булған, ә тағы 25 кеше 500 мең һумдан 1 миллион һумғаса аҡсалата приз отҡан.

https://www.bashinform.ru/news/social/2025-03-26/semya-plotnika-iz-bashkirii-vyigrala-50-mln-rubley-v-momentalnuyu-lotereyu-4173150