Вконтакте facebook Вконтакте Вконтакте
Гәзитте ойоштороусылар:
Башҡортостан Республикаһы
Дәүләт Йыйылышы — Ҡоролтай,
Башҡортостан Республикаһы Хөкүмәте
» » “Ахай” өлкәндәрҙе көтә

Ярҙамға мохтаж ололар, инвалидтар унда яҡлау таба.

Һуңғы йылдарҙа республикала ярҙамға мохтаж булған ололар өсөн шәхси пансионаттар барлыҡҡа килә башланы. Уларҙың береһе Әбйәлил районының Ишбулды ауылында урынлашҡан. Уны ошо ауылда йәшәгән ҡыйыу, оло йөрәкле Рәсимә Мәхийәнова асҡан.

– Ауылда эш юҡ, ике ҡатлы йортобоҙ буш тора. Күптәр Магнитогорск ҡалаһына йөрөп эшләй. Үҙем ун йыл буйы көн һайын ауыл менән ҡала араһын тапағас, бының ни тиклем ауыр икәнен яҡшы аңлайым. Шуға ла халыҡҡа эш булыр тип, пансионат асырға булдым, – ти Рәсимә Фаршат ҡыҙы.

Рәсимә Мәхийәнованың яҙмы­шы еңелдән түгел, әммә ул бер ҡасан да төшөнкөлөккә бирелмәй, “эшләһәң, бөтәһе лә була” тип дәртләнеп йәшәй. Ҡатын ике балаһы менән яңғыҙ ҡалған саҡта ла, “бәләкәстәремде етеш тормошта йәшәтәм” тип, бер юлы өс урында эшләргә өлгөрә.

Ҡалала ул Туйыш ауылы егете Әлмир Рауил улын осрата. Улар бер-береһен аңлап, һүҙҙәре берегеп, матур ғаилә ҡора. Икеһе лә тырыш, уңған булғас, донъя­лары ла нығына, тормоштары ла көйлө бара. Ҡыуанып йәшәргә лә йәшәргә кәрәк кеүек, тик уртаҡ балалары булмауы йөрәктәрен өйкәп тора. Бирмәһә, Хоҙай бирмәй икән, шуға ла улар өс баланы үҙҙәренеке итеп теркәтеп ала.

– Балаларҙы ҡарау талап ителгәс, ҡалаға эшкә йөрөүҙе туҡтаттым, хәҙер өйҙә ултырам. Быға тиклем имен булмаған ғаиләлә үҫкәнгә, уларҙың холҡо еңелдән түгел, психикалары ла ҡаҡшаған, шуға күҙ-ҡолаҡ булып тороу ҙа, дауалау ҙа талап ителә, – ти Рәсимә Фаршат ҡыҙы.
Ҡатындың “өйҙә ултырам” тип әйтеүе һүҙҙә генә ул. Тынғыһыҙ Мәхийәновтар бер минут та эшһеҙ тора белмәй: күпләп мал, ҡош-ҡорт тота, баҡса тултырып йәшелсә-емеш үҫтерә. Бер-ике йыл эсендә Мәхмүт ауылында ҙур йорт һалып сығалар. Ғаилә башлығы Магнитогорск металлургия комбинатында хеҙмәт юлын дауам итә.

Эшһеҙ ултырырға яратмаған Рәсимә Фаршат ҡыҙы иһә былтыр үҙ шөғөлөн аса. Шулай итеп, “Ахай” яуаплылығы сикләнгән йәмғиәте булдырылып, уның нигеҙендә Ишбулды ауылында ололар өсөн пансионатҡа нигеҙ һалына.

– Ҡыҙғанысҡа ҡаршы, арабыҙ­ҙа ҡарауһыҙ ҡалған, ҡарт көнөндә яҡын­дары өсөн ауырлыҡ, мәшә­ҡәт тыуҙырған, мөмкин­лектәре сикләнгән ололар йыш осрай. Беҙ ошондай ауыр хәлгә ҡалған кешеләрҙе ҡабул итәбеҙ. Шулай уҡ инвалид ата-әсәһен ҡара­ғандар ҙа ваҡыты менән ял итеп алырға, ҡайҙалыр барып ҡай­тырға теләй, улар ҙа яҡындарын пансионатҡа ваҡытлыса килтерә ала. Анығыраҡ әйткәндә, йәмғиәт­тең төп маҡсаты – аҡылы зәғифләнгәндәргә, ололарға һәм инвалидтарға йәшәү урыны булдырыу, тәүге ярҙам күрһәтеү. Был Рәсәй Федерацияһы закондарына ярашлы бойомға ашырыла. Беҙ эшмәкәрлегебеҙҙе тик махсус рөхсәткә (лицензияға) нигеҙләнеп алып барабыҙ. Пансионатҡа медицина күҙәтеүе үткән кешеләрҙе генә ҡабул итәбеҙ, туберкулез кеүек йоғошло ауырыуҙар менән сирләгәндәрҙе алмайбыҙ. Әбйәлил район дауа­ханаһы менән килешеү төҙөнөк. Улар пансионатта йәшәгәндәргә медицина ярҙамы күрһәтәсәк, – ти Рәсимә Фаршат ҡыҙы.

Беҙ барғанда Мәхийәновтарға 80 йәше уҙған ҡатынды алып килгәйнеләр. “Был апайҙың аңы зәғифләнгән, нимә эшләгәнен дә аңламай. Шуға ла уны ҡарап йонсоған ҡыҙы бер аҙ ял итергә булған”, – тип аңлатты хужабикә.

Сабый бала хәлендә ҡалған ололарға ярҙамға килеү, әлбиттә, ҙур яуаплылыҡ талап итә. Шуға ла Рәсимә Фаршат ҡыҙы эшен юридик яҡтан нығытыу, хәүеф­һеҙлекте тәьмин итеү, уңай­лыҡ­тар тыуҙырыу буйынса бар­лыҡ талаптарҙы ла үтәп бара. Уның социаль йүнәлештәге проектын район хакимиәте лә хуплап, мөмкин тиклем ярҙам итәсәктәрен белдергән.

Башҡортостандың Ғаилә, хеҙмәт һәм халыҡты социаль яҡлау министрлығының матбуғат хеҙмәтенән белдереүҙәренсә, бындай пансионаттарҙа бушлай йәшәтеү, шулай уҡ сығымдарҙы пенсия иҫәбенә ҡаплау ҙа мөмкин түгел. Ундағы кешеләр тәүлегенә биш тапҡыр туҡланырға, медицина күҙәтеүе менән тәьмин ителергә тейеш. Бында иһә йәшәү хаҡы тәүлегенә 500 һумдан башлана, ә артабан клиенттың хәленән сығып хаҡ ҡуйыла. Был иғәнә мөрәжәғәт итеүсене йәшә­теү, ашатыу, тәүлек әйләнәһенә хеҙмәтләндергән кешеләргә эш хаҡы түләү өсөн кәрәк.

– Күптәр яҡындарын пенсия иҫәбенә генә ҡалдырырға теләй. Ҡыҙғанысҡа ҡаршы, ул аҡсаға ғына ҡарау мөмкин түгел шул, – ти Рәсимә Фаршат ҡыҙы.

Рәсимә Мәхийәнованың эше ҡыҙыҡһыныу тыуҙырһа, 89638902464 телефонына шылтыратып, “Ахай” пансионаты тураһында тулы мәғлүмәт алырға мөмкин.




Беҙҙе Яндекс Дзен лентаһында уҡығыҙ

В ОдноклассникахВконтакте

Комментарий өҫтәргә






Рәсәй мөфтөйө Тәлғәт Тажетдин ураҙаның рухи әһәмиәте хаҡында һөйләне

Рәсәй мөфтөйө Тәлғәт Тажетдин ураҙаның рухи әһәмиәте хаҡында һөйләне 21.03.2025 // Йәмғиәт

Рәсәй мөфтөйө Тәлғәт Тажетдин ураҙаның рухи әһәмиәте хаҡында һөйләне...

Тотош уҡырға 23

Башҡортостан Башлығы «Хәүефһеҙ интернет лигаһы» директоры менән осрашты

Башҡортостан Башлығы «Хәүефһеҙ интернет лигаһы» директоры менән осрашты 21.03.2025 // Йәмғиәт

Башҡортостан Башлығы «Хәүефһеҙ интернет лигаһы» директоры менән осрашты...

Тотош уҡырға 26

Республикала яҙғы һунар миҙгеле башлана

Республикала яҙғы һунар миҙгеле башлана 21.03.2025 // Йәмғиәт

Республикала яҙғы һунар миҙгеле башлана...

Тотош уҡырға 24

Өфөлә йәшәүселәргә балалар лагерына юллама алыу тәртибен иҫкә төшөрҙөләр

Өфөлә йәшәүселәргә балалар лагерына юллама алыу тәртибен иҫкә төшөрҙөләр 21.03.2025 // Йәмғиәт

Өфөлә йәшәүселәргә балалар лагерына юллама алыу тәртибен иҫкә төшөрҙөләр...

Тотош уҡырға 22

Ял көндәрендә республикала епшек ҡар, боҙлауыҡ һәм көслө ел фаразлана

Ял көндәрендә республикала епшек ҡар, боҙлауыҡ һәм көслө ел фаразлана 21.03.2025 // Йәмғиәт

Ял көндәрендә республикала епшек ҡар, боҙлауыҡ һәм көслө ел фаразлана...

Тотош уҡырға 23

Башҡортостан аҫалы балаҫҡа дәүләт теркәүе таныҡлығын алды

Башҡортостан аҫалы балаҫҡа дәүләт теркәүе таныҡлығын алды 20.03.2025 // Йәмғиәт

Башҡортостан аҫалы балаҫҡа дәүләт теркәүе таныҡлығын алды...

Тотош уҡырға 36

Өфөлә өсөнсө «Китап байрамы» Еңеүҙең 80 йыллығына һәм МХО геройҙарына арнала

Өфөлә өсөнсө «Китап байрамы» Еңеүҙең 80 йыллығына һәм МХО геройҙарына арнала 20.03.2025 // Йәмғиәт

Өфөлә өсөнсө «Китап байрамы» Еңеүҙең 80 йыллығына һәм МХО геройҙарына арнала...

Тотош уҡырға 43

Республикала өмә көндәре билдәле булды

Республикала өмә көндәре билдәле булды 20.03.2025 // Йәмғиәт

Республикала өмә көндәре билдәле булды...

Тотош уҡырға 35

Башҡортостан яугире ҡыҙына көтөлмәгән бүләк яһаған

Башҡортостан яугире ҡыҙына көтөлмәгән бүләк яһаған 20.03.2025 // Йәмғиәт

Башҡортостан яугире ҡыҙына көтөлмәгән бүләк яһаған...

Тотош уҡырға 38

Республикала тәбиғәт ғәрәсәттәренән зыян күргәндәргә матди ярҙам суммаһы ике тапҡырға арттырылды

Республикала тәбиғәт ғәрәсәттәренән зыян күргәндәргә матди ярҙам суммаһы ике тапҡырға арттырылды 20.03.2025 // Йәмғиәт

Республикала тәбиғәт ғәрәсәттәренән зыян күргәндәргә матди ярҙам суммаһы ике тапҡырға арттырылды...

Тотош уҡырға 48

Башҡортостан хөкүмәте вице-премьерҙарына яңы бурыстар йөкмәтелде

Башҡортостан хөкүмәте вице-премьерҙарына яңы бурыстар йөкмәтелде 20.03.2025 // Йәмғиәт

Башҡортостан хөкүмәте вице-премьерҙарына яңы бурыстар йөкмәтелде...

Тотош уҡырға 29

Радий Хәбиров үҙенең тыуған көнөн «Ирҙәрсә һөйләшеү»ҙән башланы

Радий Хәбиров үҙенең тыуған көнөн «Ирҙәрсә һөйләшеү»ҙән башланы 20.03.2025 // Йәмғиәт

Радий Хәбиров үҙенең тыуған көнөн «Ирҙәрсә һөйләшеү»ҙән башланы...

Тотош уҡырға 35