Башҡортостан Республикаһы Президенты указдары менән Өфө районы “Алексеевка” совхозы дәүләт унитар ауыл хужалығы предприятиеһының машина менән һауыу операторы Хәсәнова Ризида Рауил ҡыҙы Башҡортостан Республикаһының Почет грамотаһы менән бүләкләнде;
Октябрьский ҡалаһының “Пакер” фәнни-етештереү фирмаһы хеҙмәткәрҙәре: директор урынбаҫары Әминев Марат Хөснулла улына, инженер-конструктор Шәйхетдинов Марат Мәғәсүм улына — “Башҡортостан Республикаһының атҡаҙанған уйлап табыусыһы”, Ишембай трикотаж әйберҙәр фабрикаһы тегенсеһе Абайҙуллина Фәриә Исмәғил ҡыҙына — “Башҡортостан Республикаһының атҡаҙанған туҡыу һәм еңел сәнәғәт хеҙмәткәре”, Башҡортостан “Прогресс” етештереү берекмәһе хеҙмәткәрҙәре: баш технолог урынбаҫары Байтимеров Рәмил Ғиндулла улына, бюро начальнигы Лелейтнер Валерий Олеговичҡа — “Башҡортостан Республикаһының атҡаҙанған машина эшләүсеһе”, Ишембай районының “Шишмәкәй” йәмғиәте директоры Ғиндуллина Рәшиҙә Сафуан ҡыҙына, Ағиҙел ҡалаһы “Булғарнефтепроодукт” йәмғиәтенең коммерция директоры Карамова Мөнирә Һаҙый ҡыҙына — “Башҡортостан Республикаһының атҡаҙанған сауҙа хеҙмәткәре”, “Рәсәй тимер юлдары” йәмғиәте филиалы — Юл ремонтлау буйынса үҙәк дирекцияның структур подразделениеһындағы 215-се станция мастеры Ғәниуллин Мәүләүи Мәғәмәүи улына — “Башҡортостан Республикаһының атҡаҙанған транспорт хеҙмәткәре”, Мәсетле районының “Ленинский” ауыл хужалығы кооперативы һауынсыһы Крючкова Татьяна Леонидовнаға, Бәләбәй районы Максим Горький исемендәге тоҡомсолоҡ заводының һөтсөлөк фермаһы бригадиры Сабиров Салауат Әхәт улына, Өфө районының “Николаевская” агрофирмаһы тракторсыһы Сәйетов Рафаил Мансур улына, Көйөргәҙе районы хакимиәтенең ауыл хужалығы бүлеге баш агрономы Хисмәтуллин Нәүғәт Кәлимулла улына — “Башҡортостан Республикаһының атҡаҙанған ауыл хужалығы хеҙмәткәре”, Өфө ҡалаһының Ашығыс медицина ярҙамы станцияһы табибы Ишбаев Таһир Фәйзулла улына, 2-се республика клиник дауаханаһының диспансер бүлеге мөдире, табип-терапевт Камалова Эльза Нурлығаян ҡыҙына, “Йәшел сауҡалыҡ” шифаханаһының бүлек мөдире Мөхәмәтова Әлфиә Марат ҡыҙына, 2-се республика клиник дауаханаһы поликлиникаһының табип-офтальмологы Пухлякова Ольга Николаевнаға — “Башҡортостан Республикаһының атҡаҙанған врачы”, 2-се республика клиник дауаханаһының дауалау физкультураһы буйынса инструктор-методисы Асеева Рәйсә Шәүкәт ҡыҙына — “Башҡортостан Республикаһының атҡаҙанған һаулыҡ һаҡлау хеҙмәткәре”, “Молодежная газета” гәзите редакцияһының бүлек мөдире Ғәбитова Рәмзиә Мөсәғит ҡыҙына, “Башҡортостан” телерадиотапшырыуҙар компанияһының “Тамыр” балалар һәм үҫмерҙәр телеканалы хеҙмәткәрҙәре: өлкән мөхәррир Даянова Зөлфиә Рим ҡыҙына, баш мөхәррир Миндийәрова Резеда Миңлебай ҡыҙына — “Башҡортостан Республикаһының атҡаҙанған матбуғат һәм киң мәғлүмәт хеҙмәткәре”, Мәләүез районы Архитектура-планлаштырыу бюроһының бүлек начальнигы Соколов Николай Леонидовичҡа — “Башҡортостан Республикаһының атҡаҙанған архитекторы”, Мәсәғүт почтамтының Таҙтүбә почта элемтәһе бүлексәһе почтальоны Ростовцева Галина Александровнаға, Мораҡ почтамты почтальоны Саматова Зәкиә Зәки ҡыҙына — “Башҡортостан Республикаһының атҡаҙанған элемтәсеһе”, Благовар район суды рәйесе Шакиров Камил Ғамбир улына “Башҡортостан Республикаһының атҡаҙанған юрисы” тигән маҡтаулы исемдәр бирелде.