Вконтакте Вконтакте Вконтакте
Гәзитте ойоштороусылар:
Башҡортостан Республикаһы
Дәүләт Йыйылышы — Ҡоролтай,
Башҡортостан Республикаһы Хөкүмәте
Башҡортостан гәзите » Йәмғиәт » “Беҙгә тәҙрәләр кәрәк!”
“Беҙгә тәҙрәләр кәрәк!”Республикала бер нисә йыл рәттән тормошҡа ашырылып килгән “Урындағы башланғыстарға булышлыҡ итеү” программаһы күп ауыл халҡында ҙур ҡыҙыҡһыныу уятты. Программаның төп үҙенсәлеге — көнүҙәк проблемаларҙы халыҡ үҙе билдәләй һәм ҡулынан килгәнсә ярҙам итә.

Баймаҡ районының Басай ауылы халҡы быйыл тәүге тапҡыр ошо программала ҡатнашырға теләк белдерә. Дөйөм йыйылышта кешеләр ике проблеманы күтәреп сыға һәм шуның һуңғыһына барыһы ла берҙәм тауыш бирә. 1990 йылда үҙ ишектәрен асҡан мәктәпкә ошоға тиклем бер тапҡыр ҙа капиталь ремонт үткәрелмәгән. Тәҙрәләр күптән сереп бөткән, йылыны тышҡа сығара, шунлыҡтан бүлмәләр түҙеп торғоһоҙ һыуыҡ. Ата-әсәләр белем усағының тәҙрәләрен яңыртырға хәл итә.

Төркмән урта мәктәбенең филиалы булған белем усағында әле Басай һәм Иҫәнбәт ауылынан бөтәһе 40 бала уҡый. Шуларҙың 15-е – күп балалы ғаиләнән. Күрше Иҫәнбәт ауылынан көн һайын, “Мәктәп автобусы” программаһына ярашлы, 17 уҡыусы йөрөп белем ала. Бинала шулай уҡ балалар баҡсаһы урынлашҡан, унда 13 кескәй йөрөй.

Филиал етәксеһе Гөлйемеш Әйүпова әйтеүенсә, проекттың дөйөм хаҡы — 1 миллион 200 мең һум. Ауыл халҡы был сумманың 10 процентын, йәғни 120 мең һумын йыйып тапшырырға тейеш. Әле халыҡтан 67 мең һум аҡса тупланған да инде.

— Иң мөһиме — проектта еңеп сығыу зарур, уның өсөн бар тырышлыҡты һалабыҙ. Биш кешенән торған инициатива төркөмө төҙөнөк, улар һәр өйҙән берәр мең һум аҡса йыя. Шулай уҡ мәктәпте төрлө йылдарҙа тамамлаусылар ҙа үҙ өлөшөн индерә, бағыусылар һәм ошо белем усағында эшләп киткән уҡытыусылар ҙа ярҙам итер, тигән ышаныстабыҙ, — ти Гөлйемеш Әҙеһәм ҡыҙы.

Проект еңеп сыҡһа, мәктәптең тулыһынса 40 тәҙрәһе замансаға алмаштырыласаҡ. Шулай уҡ басайҙарҙың изге башланғысын иҫәнбәттәр ҙә хуплап ҡаршы алған. Улар ҙа маҡсатты тормошҡа ашырыу өсөн үҙ өлөшөн индермәксе, сөнки балаларҙың йылы һәм яҡты бүлмәләрҙә белем алыуы барыһы өсөн дә уртаҡ теләк.

— “Урындағы башланғыстарға булышлыҡ итеү” программаһының барлыҡҡа килеүе бигерәк тә ауыл ерендә йәшәгәндәр өсөн әһәмиәтле, сөнки тап ошо проект ярҙамында бөгөн күп урындарҙа йылдар буйы борсоған көнүҙәк мәсьәләләр хәл ителә. Ниндәй проект өсөн тауыш бирергә һәм яҡларға икәнлеген ошондағы кешеләрҙән башҡа берәү ҙә яҡшы белмәй. Һәр тәҡдим улар тарафынан ныҡлы өйрәнелә һәм йыйылышта ауылдаштар хөкөмөнә сығарыла, — ти Күсей ауыл биләмәһе хакимиәте башлығы Сәриә Йыһаншина.

Әйткәндәй, “Урындағы башланғыстарға булышлыҡ итеү” программаһында Күсей ауылы халҡы ике тапҡыр ҡатнашҡан. Тәүгеһендә улар тракторлы булған, быйыл тулы булмаған белем биреү мәктәбенең тәҙрәләре тулыһынса яңыртылған.

Берҙәм, дәртле, сәмле Басай ауылы халҡының тырышлығы һәм әүҙемлеге менән дә үҙҙәре тәҡдим иткән проект еңеп сығыр, белем усағының тәҙрәләре яңыртылыр, иманым камил.


Автор: Кәримә УСМАНОВА Район: Баймаҡ районы


Беҙҙе Яндекс Дзен лентаһында уҡығыҙ

В ОдноклассникахВконтакте





Башҡортостанда пилотһыҙ хәүеф режимы иғлан ителде

Башҡортостанда пилотһыҙ хәүеф режимы иғлан ителде 21.02.2026 // Йәмғиәт

Башҡортостанда пилотһыҙ хәүеф режимы иғлан ителде...

Тотош уҡырға 2

Башҡортостанда һуғыш ветераны Рәйфә Насироваға 104 йәш тулды

Башҡортостанда һуғыш ветераны Рәйфә Насироваға 104 йәш тулды 20.02.2026 // Йәмғиәт

Иглин районында Бөйөк Ватан һуғышы ветераны Рәйфә Насирова 104 йәшен тултырҙы. Район башлығы Гүзәл ......

Тотош уҡырға 2

Башҡортостанда МХО яугире һөйгән ҡыҙы менән никах уҡытҡан

Башҡортостанда МХО яугире һөйгән ҡыҙы менән никах уҡытҡан 20.02.2026 // Йәмғиәт

Башҡортостанда МХО яугире һөйгән ҡыҙы менән никах уҡытҡан...

Тотош уҡырға 2

Р-240 Өфө – Ырымбур трассаһында транспорт өсөн хәрәкәт ябылды

Р-240 Өфө – Ырымбур трассаһында транспорт өсөн хәрәкәт ябылды 20.02.2026 // Йәмғиәт

Сикләүҙәр бөгөн көндөҙгө сәғәт 3-кә тиклем ғәмәлдә ҡала....

Тотош уҡырға 1

Өфөлә «Башҡортостандың этно-һылыуҡайы — 2026»  конкурсының финалы уҙа

Өфөлә «Башҡортостандың этно-һылыуҡайы — 2026» конкурсының финалы уҙа 20.02.2026 // Йәмғиәт

Өфөлә «Башҡортостандың этно-һылыуҡайы — 2026» конкурсының финалы уҙа...

Тотош уҡырға 1

Йылайырҙа физкультура-һауыҡтырыу комплексы төҙөкләндерелә

Йылайырҙа физкультура-һауыҡтырыу комплексы төҙөкләндерелә 19.02.2026 // Йәмғиәт

Башҡортостан премьер-министры Андрей Назаров Йылайырҙа «Йондоҙло» физкультура-һауыҡтырыу ......

Тотош уҡырға 2

Республикала көслө ҡар яуыуы, буран сығыуы көтөлә

Республикала көслө ҡар яуыуы, буран сығыуы көтөлә 19.02.2026 // Йәмғиәт

Рәсәй Ғәҙәттән тыш хәлдәр министрлығының республика буйынса баш идаралығы һауа шарттарының боҙолоуы ......

Тотош уҡырға 1

Башҡортостанда Поповтар ғаиләһендә унынсы бала тыуған

Башҡортостанда Поповтар ғаиләһендә унынсы бала тыуған 19.02.2026 // Йәмғиәт

Ҡыуаныслы ваҡиға тураһында республиканың юстиция эштәре буйынса дәүләт комитеты рәйесе Владимир ......

Тотош уҡырға 1

Яңы авиакомпания Өфөнән Ҡаҙағстанға тура рейс асырға йыйына
Башҡортостанда Ҙур һәм татыу ғаилә йылының рәсми брендбугы раҫланды

Башҡортостанда Ҙур һәм татыу ғаилә йылының рәсми брендбугы раҫланды 19.02.2026 // Йәмғиәт

Башҡортостанда Ҙур һәм татыу ғаилә йылының рәсми брендбугы раҫланды...

Тотош уҡырға 2

Ватанды һаҡлаусылар көнө алдынан йома эш сәғәте ҡыҫҡартылмай

Ватанды һаҡлаусылар көнө алдынан йома эш сәғәте ҡыҫҡартылмай 19.02.2026 // Йәмғиәт

Был хаҡта республиканың Дәүләт хеҙмәт инспекцияһынан хәбәр иттеләр....

Тотош уҡырға 3

Өфөлә байрам көндәрендә түләүле парковкалар өсөн аҡса алынмай

Өфөлә байрам көндәрендә түләүле парковкалар өсөн аҡса алынмай 18.02.2026 // Йәмғиәт

Өфөлә байрам көндәрендә түләүле парковкалар өсөн аҡса алынмай...

Тотош уҡырға 3


Комментарий өҫтәргә