Вконтакте facebook Вконтакте Вконтакте
Гәзитте ойоштороусылар:
Башҡортостан Республикаһы
Дәүләт Йыйылышы — Ҡоролтай,
Башҡортостан Республикаһы Хөкүмәте
» » Булдыҡлының эше уң
Байым ауылында өлгөлө ғаиләләр күп. Улар тырышып донъя көтә, балалар үҫтерә. Ауыл ерендә эш юҡ тип, еңел тормош артынан ҙур ҡалаға китмәгән, тыуып үҫкән йәнтөйәгендә ҡалып, үҙ эшен асҡан, башҡаларҙы ла икмәкле иткән бер ғаилә хаҡында һүҙем.

Гөлсинә менән Руслан Әғзәмовтар — һәр йәһәттән өлгөлө, булдыҡлы пар. Ауылдаштарын аҙыҡ-түлек, көнкүреш кәрәк-ярағы менән тәьмин иткән эшҡыуарҙар магазиндарында бер нисә кешегә хеҙмәт урыны булдырған. Байымда уҙған төрлө сараларҙың даими бағыусыһы улар, ауылдаштарына һәр ваҡыт ярҙамға килергә әҙерҙәр. Үҙҙәренең етеш тормошона, әкиәт һарайылай ике ҡатлы, зауыҡлы йорттарына хайран ҡалмалы. Хәләл көсө, ныҡышлығы менән донъяларын сынъяһау итеп төҙөгән улар.

Байым ауылы егете Руслан менән Туйыш һылыуы Гөлсинә 2001 йылда өйләнешә. Йәш ғаилә Байымда төпләнергә ҡарар итә. Икеһе лә урындағы хужалыҡта хеҙмәт юлын башлай. Руслан – механик, ә Гөлсинә бухгалтер булып эшләй.

Йәш белгестәр дәртләнеп тормош башлаған осорҙа колхоз тарҡала. Эшһеҙ ҡалған йәштәр ни ҡылырға белмәй аптырап ҡала. Күптәр унда һуғылып, бында ҡағылып йөрөй торғас, ҡырға күсеп китә. Өмөтһөҙлөккә бирелеп, эскелек һаҙлығына батҡандар ҙа, ата-әсәһенең пенсияһына йәшәгәндәр ҙә табыла. Тик Әғзәмовтар бирешергә теләмәй, тыуған еренән айырылғылары ла килмәй. Замана елдәренең ҡайһы яҡҡа иҫеүен мәлендә тойоп, эшҡыуарлыҡ юлына баҫалар. Әммә бында ла анһат аҡса көтмәй шул. Үҙ эштәрен асыу өсөн тәүге капитал йыйған мәлдәрен бөгөн көлөп хәтерләһәләр ҙә, ул ваҡытта бер ҙә ҡыҙыҡ булмай.

Магнитогорск янындағы ташландыҡ баҡсаларҙан тоҡ-тоҡ алма йыйып, Абҙаҡта һаталар йәки картуфҡа алмаштыралар. Картуфты күрше ҡала баҙарында аҡсаға әйләндерәләр. Тинләп йыйылған әҙме-күпме сумманы Байымда магазин асыуға тотоналар. Тәүҙә бинаны ҡуртымға алып, һуңынан, эштәре яйға киткәс, үҙҙәренеке итәләр. Хәҙер уларҙың ике магазины бар. Бухгалтер белемле Гөлсинә Борисовна бөтә иҫәп-хисап эштәрен алып барһа, ҡалған мәшәҡәттәр Руслан Рысйән улы иңендә. Хәйер, барлыҡ хәстәрҙәрҙе улар бергә-бергә күтәрә, эште һинеке-минекенә бүлеп тормай.

— Эшҡыуар булыу еңелдән түгел, аяҡҡа ныҡлы баҫҡансы көн-төн тир түгергә, тырышырға кәрәк. Документацияны теүәл алып барыу, һалым, башҡа түләүҙәр менән ваҡытында иҫәпләшеү мөһим, — ти Әғзәмовтар. — Һатып алыусыларҙы юғалтмаҫ өсөн магазиндарға аҙыҡ-түлекте, йәшелсә-емеште көн дә тигәндәй яңыртып килтереп торабыҙ.

2007 йылдан йүнселлек менән шөғөлләнгән ғаилә өс һатыусыны хеҙмәт урыны менән тәьмин иткән. Ҡаланан тауар килтереү, йорт-хужалыҡ мәшәҡәттәре араһында йәмәғәт эштәренә лә өлгөрәләр. Үҙ ҡаҙандарында ғына ҡайнау ят был ғаилә өсөн. Мәҙәниәт усағында үткән сара-кисәләргә бүләктәр менән ярҙам итәләр. Ауылдаштарының тормошон йәнләндереп, ҙур байрамдарға ҡарата һатып алыусылар араһында лотерея уйнаталар. Яңы йыл һайын Гөлсинә үҙенә лә, балаларына ла костюмдар тегә, хатта урамдары менән ярышып тырышалар. Мәктәп тормошонан ситтә ҡалмайҙар, ата-әсәләр комитетында әүҙем эшләйҙәр.

Ауылдың абруйлы ғаиләһе – бөтә туғандарына терәк-таяныс. Ярҙамсыл, киң күңелле хужаларҙың йорт ишеге һәр кемгә асыҡ. Ике бала үҫтерә улар: ҡыҙҙары Инзирә техникумда белем ала, улдары Инсаф VI класта уҡый, икеһе лә яҡшы өлгәшә, спортсы, бейеү менән мауығалар. Көрәш менән етди шөғөлләнгән малайҙы ата-әсәһе аҙнаһына өс тапҡыр Абҙаҡҡа алып йөрөй. Балалар ғаиләлә һөйөү, наҙ тойоп үҫһен, бар яҡтан үҫешһен өсөн ваҡыттарын, көсөн йәлләмәй улар.

— Ул-ҡыҙыбыҙға лайыҡлы тәрбиә бирергә, һөнәрле итергә тырышабыҙ, — ти ата-әсә бер тауыштан. — Бәләкәйҙән эш белеп үҫһендәр өсөн мал, ҡош-ҡорт аҫрайбыҙ. Шөкөр, телефон-компьютерға ҡапланып ултырмайҙар, ҡул араһына инеп, бөтә эштә ярҙамлашырға әҙер торалар.

Ә хужалыҡтары, ысынлап та, ҙур, нисек өлгөрәләрҙер? Һауын кәзәләре лә бар, уның һөтөнән шифалы ҡымыҙ яһайҙар. Ике теплица: береһендә – ҡыяр, икенсеһендә помидор үҫтерәләр. Дүрт-биш умарта тоталар. Иртә яҙҙан ҡара көҙгә тиклем аллы-гөллө сәскәләр күҙҙең яуын ала, өй эсе тулы гөл.

Тырышлығы, йүнселлеге менән алдырған, матур донъя көткән ғаиләгә һоҡланмаған кеше юҡ. Бәхеттәренә күҙ теймәһен!




Беҙҙе Яндекс Дзен лентаһында уҡығыҙ

В ОдноклассникахВконтакте

Комментарий өҫтәргә






Изгелек күрһәт тә бушлай киноға, бассейнға, музейға бар

Изгелек күрһәт тә бушлай киноға, бассейнға, музейға бар 01.04.2019 // Йәмғиәт

Һуңғы ваҡытта ирекмәндәр хәрәкәте беҙҙең тормошобоҙҙа һиҙелерлек урын биләй....

Тотош уҡырға 4 009

Һыу инергә ваҡыт етте...

Һыу инергә ваҡыт етте... 01.04.2019 // Йәмғиәт

6 апрелдә Өфө ҡалаһындағы Үҙәк баҙар янындағы Һалдат күленә килһәгеҙ, үкенмәҫһегеҙ. Унда тәүлек...

Тотош уҡырға 3 370

Мөхәббәт менән бәхет гел бергә

Мөхәббәт менән бәхет гел бергә 31.03.2019 // Йәмғиәт

– Мөхәббәт ҡайҙа юғала? – тип һораған атаһынан бәләкәй Бәхет. – Үлә. Кешеләр булғанды ҡәҙерләмәй,...

Тотош уҡырға 3 916

"Ҡайһылай оятҡа ҡалдым..."

"Ҡайһылай оятҡа ҡалдым..." 31.03.2019 // Йәмғиәт

Асыу, ярһыу кешенең бөтөн тәнен, күңелен ялмап алыусан. Шуға әҙәм балаһының бындай осраҡта...

Тотош уҡырға 3 812

Ризыҡ менән бергә өмөт-ышаныс өләшеп

Ризыҡ менән бергә өмөт-ышаныс өләшеп 31.03.2019 // Йәмғиәт

Ирекмәндәр Сибайҙа өс айҙан ашыу инде “Йәшәү ризығы” тип аталған мәрхәмәтлек акцияһы үткәрә: ауыр...

Тотош уҡырға 3 175

"Аҙыҡтың өлөшөн генә һалыр инем..."

"Аҙыҡтың өлөшөн генә һалыр инем..." 31.03.2019 // Йәмғиәт

Имам-хатип мәсеткә вәғәз һөйләргә килһә, унда бер генә кеше – йәш көтөүсе – ултыра, ти....

Тотош уҡырға 3 390

135 мең граждан саҡырыла

135 мең граждан саҡырыла 31.03.2019 // Йәмғиәт

Рәсәй Президенты хәрби хеҙмәткә яҙғы саҡырылыш тураһында указға ҡул ҡуйҙы. Ул кисә, 30 мартта,...

Тотош уҡырға 2 933

Йоҡларға ҡурҡам...

Йоҡларға ҡурҡам... 30.03.2019 // Йәмғиәт

Баҡыйлыҡҡа күскәненә тиҫтә йылға яҡын ваҡыт уҙһа ла, әсәйем һуңғы арала төшөмә йыш инә башланы....

Тотош уҡырға 3 504

Йәкшәмбелә ғаилә менән ҡайҙа барырға була?

Йәкшәмбелә ғаилә менән ҡайҙа барырға була? 29.03.2019 // Йәмғиәт

Ҡул эштәре менән булыу, аш-һыу бешереү, бейеү, һүрәт төшөрөү, спорт уйындары... Ә һеҙҙең ғаиләнең...

Тотош уҡырға 1 893

"Мин Хәйбулланан!" тип ғорурланыр йәштәр ҙә

"Мин Хәйбулланан!" тип ғорурланыр йәштәр ҙә 29.03.2019 // Йәмғиәт

Башҡортостандың 100 йыллығына арналған саралар дауам итә. Бөгөн, мәҫәлән, Хәйбулла районы үҙәге...

Тотош уҡырға 1 912

Сарыҡ нисек тегелә?

Сарыҡ нисек тегелә? 29.03.2019 // Йәмғиәт

Учалы тарих һәм тыуған яҡты өйрәнеү музейында башҡорттоң традицион аяҡ кейеме – сарыҡ тегеү буйынса...

Тотош уҡырға 2 072

15 апрелдә башлана

15 апрелдә башлана 29.03.2019 // Йәмғиәт

Учалы районы хакимиәтендә подъездарҙы төҙөкләндереү буйынса республика программаһының тормошҡа...

Тотош уҡырға 1 840