Вконтакте facebook Вконтакте Вконтакте
Гәзитте ойоштороусылар:
Башҡортостан Республикаһы
Дәүләт Йыйылышы — Ҡоролтай,
Башҡортостан Республикаһы Хөкүмәте
» » “Бала саҡтан десантсы булырға хыялландым”
Шулай ти Баймаҡ ҡалаһында йәшәгән Рөстәм Нәбиуллин. Ул сығышы менән Иш­бирҙе ауылынан. Атаһы Радик урман­сылыҡ өлкәһендә төрлө яуаплы урындарҙа эшләй, шунлыҡтан ғаиләгә Темәс ауылына, аҙаҡ Баймаҡҡа күсергә тура килә. Бала саҡтан Рөстәмгә атаһының формаһы ни яғы менәндер хәрби кейемде хәтерләтә. Шуға күрә бәләкәйҙән уның әрмегә барыу теләге көслө була. Бигерәк тә элиталы һаналған һауа-десант ғәскәрендә хеҙмәт итеү хыялы тынғылыҡ бирмәй.

Мәктәпте яҡшы билдәләргә тамам­лаған егет артабан белемен Башҡорт­остан дәүләт аграр университетында дауам итә. Йыр-моңға маһир, башҡорт ҡурайына ғашиҡ Рөстәм уҡыу йортонда үткән бер мәҙәни саранан да ситтә ҡалмай, ундағы “Азамат” ҡурай ансамблендә шөғөлләнә. Төп һөнәре менән бер рәттән өҫтәмә бе­лем биреү үҙәгенең “Ҡурайсы” бүлеген тамамлай. 2004 йылда ҡулына диплом ал­ған егет хәрби бурысын үтәргә саҡы­рыла. Иң мөһиме – бала саҡ хыялы тормош­ҡа аша, уға десантсы булыу бәхете эләгә.

Десант ғәскәрендә хеҙмәт итеү – ул иң ҙур ышаныс һәм намыҫ. Ул – ысын ир-егеттәр мәктәбе. Бында хеҙмәт итеү өсөн физик әҙерлек менән бер рәттән белемле, рухи яҡтан көслө, илһөйәр булыуың да мотлаҡ, сөнки десантсылар һәр саҡ алдынғылар рәтендә, Тыуған ил ҡайҙа ҡуша – улар шунда.

Рөстәм Нәбиуллин хәрби бурысын намыҫ менән үтәй, Ульяновск ҡалаһында һәм Псков өлкәһендә хеҙмәт итә. II дәрәжә Кутузов орденлы 31-се гвардия һауа-десант бригадаһындағы әрме йылдарын әле лә йылы тәьҫораттар менән телгә ала.

– Әрме ир-егет өсөн бик кәрәк тип һанайым, – ти һауа-десант ғәскәре ветераны. – Ул минең өсөн ысын мәғәнә­ендә тормош мәктәбе булды. Ватанға тоғролоҡҡа ант биреү менән әрме тормошо башлана. Был часта хеҙмәт иткән­дәргә физик көс һәм һығылмалылыҡ ҡына түгел, зирәклек, таһыллыҡ, сослоҡ та талап ителә. Икенсенән, белемле булыу зарур. Теорияны, ҡорал үҙенсәлектәрен, Уставты, төн уртаһында торғоҙоп уятһалар ҙа, яттан белеү мотлаҡ. Хеҙмәттәштәрем менән әле лә аралашып, күрешеп торабыҙ, “Бәйләнештә” социаль селтәре аша ныҡлы бәйләнеш тотабыҙ. Улым булһа, уның да әрмегә барыуын, десантсылар сафында булыуын теләр инем. Мине лә атайым хәрби хеҙмәткә алдан әҙерләне. Армия хаҡында бала саҡтан хыялланғанға, уның ҡанундары менән аҙмы-күпме таныш булғанға, миңә хеҙмәт итеү ауыр бирелмәне.

Ошо ҡаҙанышы өсөн Баймаҡ егетенең ата-әсәһенә Рәхмәт хаты ебәрелә. Хәрби хеҙмәт ваҡытын тултырып, тыуған яғына ҡайтҡас, Рөстәм Радик улы Башҡортос­тандың дәүләт теркәүе, кадастр һәм картография федераль хеҙмәте идаралы­ғының Баймаҡ ҡалаһындағы бүлегендә эш башлай. Үҙ эшенә яуаплы ҡараған, йәштәр менән уртаҡ тел тапҡан егетте артабан Баймаҡ районының “Юнармия” балалар һәм үҫмерҙәр хәрби-патриотик ойошмаһы етәксеһе итеп ҡуялар. Йәш булыуына ҡарамаҫтан, Рөстәм Нәбиуллин – ҡала советы депутаты. Күптән түгел тағы ла яуаплыраҡ вазифа йөкмәтелгән: ул Баймаҡ ҡалаһының ДОСААФ ойошмаһы етәксеһе итеп тәғәйенләнә. Йәштәрҙе әрмегә бар яҡлап әҙерләй, улар күңелендә илһөйәрлек сифаты тәрбиә­ләү маҡсатында эш алып бара. Бында шулай уҡ буласаҡ һалдаттарҙы “С” категориялы водитель һөнәренә уҡытыу һәм башҡа һөнәрҙәргә өйрәтеү эше лә яҡшы ҡуйылған.

Тормошта ла ул үҙ бәхетен тапҡан: ҡатыны Гүзәл менән Азалия һәм Алина исемле ҡыҙҙар үҫтерәләр. Шулай ҙа буласаҡ һалдат тураһында ла хыяллана әле Нәбиуллиндар.


Автор: Кәримә УСМАНОВА
Фото: Фотолар ғаилә архивынан алынды
Район: Баймаҡ ҡалаһы


Беҙҙе Яндекс Дзен лентаһында уҡығыҙ

В ОдноклассникахВконтакте

Комментарий өҫтәргә






Башҡортостанда күп балалы ата-әсәләргә эшкә урынлашырға ярҙам итәләр

Башҡортостанда күп балалы ата-әсәләргә эшкә урынлашырға ярҙам итәләр 04.04.2025 // Йәмғиәт

Башҡортостанда күп балалы ата-әсәләргә эшкә урынлашырға ярҙам итәләр...

Тотош уҡырға 17

Республика буйлап «Сәләмәтлек поездары» юлға сыға

Республика буйлап «Сәләмәтлек поездары» юлға сыға 04.04.2025 // Йәмғиәт

Республика буйлап «Сәләмәтлек поездары» юлға сыға...

Тотош уҡырға 19

Башҡортостан буйлап «Сәләмәтлек поездары» юлға сыға

Башҡортостан буйлап «Сәләмәтлек поездары» юлға сыға 04.04.2025 // Йәмғиәт

Башҡортостан буйлап «Сәләмәтлек поездары» юлға сыға...

Тотош уҡырға 17

Өфөлә дәүләт автоинспекцияһы хеҙмәткәрҙәре «Иғтибар – балалар!» акцияһын үткәрә

Өфөлә дәүләт автоинспекцияһы хеҙмәткәрҙәре «Иғтибар – балалар!» акцияһын үткәрә 04.04.2025 // Йәмғиәт

Өфөлә дәүләт автоинспекцияһы хеҙмәткәрҙәре «Иғтибар – балалар!» акцияһын үткәрә...

Тотош уҡырға 17

Туймазыла ике йәшлек малай 26 магнит шарын йотҡан

Туймазыла ике йәшлек малай 26 магнит шарын йотҡан 04.04.2025 // Йәмғиәт

Туймазыла ике йәшлек малай 26 магнит шарын йотҡан...

Тотош уҡырға 19

Республикала тәүлек эсендә 4 ҡоро үлән яныу осрағы теркәлгән

Республикала тәүлек эсендә 4 ҡоро үлән яныу осрағы теркәлгән 04.04.2025 // Йәмғиәт

Республикала тәүлек эсендә 4 ҡоро үлән яныу осрағы теркәлгән...

Тотош уҡырға 18

Башҡортостанда ҡар ҡатыш ямғыр яуыуы фаразлана

Башҡортостанда ҡар ҡатыш ямғыр яуыуы фаразлана 04.04.2025 // Йәмғиәт

Башҡортостанда ҡар ҡатыш ямғыр яуыуы фаразлана...

Тотош уҡырға 17

Өфөләрҙе газондарҙа парковка өсөн яуаплылыҡ тураһында иҫкәрттеләр

Өфөләрҙе газондарҙа парковка өсөн яуаплылыҡ тураһында иҫкәрттеләр 03.04.2025 // Йәмғиәт

Өфөләрҙе газондарҙа парковка өсөн яуаплылыҡ тураһында иҫкәрттеләр...

Тотош уҡырға 16

Башҡортостанда йәшәүселәр өсөн яңы Өфө-Таулы Алтай йүнәлеше асыла

Башҡортостанда йәшәүселәр өсөн яңы Өфө-Таулы Алтай йүнәлеше асыла 03.04.2025 // Йәмғиәт

Башҡортостанда йәшәүселәр өсөн яңы Өфө-Таулы Алтай йүнәлеше асыла...

Тотош уҡырға 17

Алдағы көндәрҙә Башҡортостанда ямғырлы һауа торошо көтөлә

Алдағы көндәрҙә Башҡортостанда ямғырлы һауа торошо көтөлә 03.04.2025 // Йәмғиәт

Алдағы көндәрҙә Башҡортостанда ямғырлы һауа торошо көтөлә...

Тотош уҡырға 15

Республикала 3 апрелдән урмандарҙа янғын хәүефе миҙгеле асыла

Республикала 3 апрелдән урмандарҙа янғын хәүефе миҙгеле асыла 02.04.2025 // Йәмғиәт

Республикала 3 апрелдән урмандарҙа янғын хәүефе миҙгеле асыла...

Тотош уҡырға 15

Башҡортостанда торлаҡҡа субсидиялар суммаһын 2,5% арттырыу планлаштырыла

Башҡортостанда торлаҡҡа субсидиялар суммаһын 2,5% арттырыу планлаштырыла 02.04.2025 // Йәмғиәт

Башҡортостанда торлаҡҡа субсидиялар суммаһын 2,5% арттырыу планлаштырыла...

Тотош уҡырға 16