Социаль хеҙмәттәр йыйылмаһы айлыҡ аҡсалата түләүҙең бер өлөшө булғанға күрә, уны алыу өсөн Пенсия фондына барыуҙың йәки айырым ғариза яҙыуҙың кәрәге юҡ. Ә инде айлыҡ аҡсалата түләүҙе билдәләһендәр өсөн, федераль льготалы Рәсәй Пенсия фондының үҙе теркәлгән йә иһә йәшәгән урын буйынса территориаль органына ғариза менән мөрәжәғәт итергә тейеш.

Ҡайҙа мөрәжәғәт итергә?

Түләүҙе тәғәйенләһәләр, граж­дандың социаль хеҙмәттәр йы­йыл­маһын натуралата алыуға хоҡуғы ла барлыҡҡа килә. Әйт­кәндәй, радиация йоғонто яһаған категорияға ҡараған граждандарға был ҡағылмай. Улар йыйылманы натуралата алырға теләй икән, ғариза яҙырға тейеш. Был осраҡта йыйылма киләһе йылдың 1 ғин­уарынан ғына ғәмәлгә инә.
Рәсәй Пенсия фондының территориаль органы гражданға социаль хеҙмәттәр йыйылмаһын алыуға хоҡуҡ биргән билдәләнгән өлгөләге белешмә ҡағыҙы тапшыра. Унда льготалының катего­рияһы, айлыҡ аҡсалата түләүҙе тәғәйенләү ваҡыты, шулай уҡ граждан хоҡуҡлы булған социаль хеҙмәттәр күрһәтелә.
Белешмә ҡағыҙы тотош Рәсәй биләмәһендә файҙаланыла ала. Дауалау-профилактика учреждениеларына, ҡала яны бәйләне­шендәге тимер юл кассаларына мөрәжәғәт иткәндә, граждан түбәндәге документтарҙы тапшыра:
lшәхесте раҫлаған документ;
lайлыҡ аҡсалата түләүгә хоҡуҡты раҫлаған документ;
lРәсәй Пенсия фондының территориаль органында бирелгән һәм социаль хеҙмәттәр йыйыл­маһына хоҡуҡты раҫлаған белешмә ҡағыҙы.
Социаль хеҙмәттәр йыйылмаһына нимә инә?

lрецепт буйынса дарыуҙар, медицина изделиелары, инвалид балалар өсөн махсус туҡланыу продукттары;
lтөп сирҙәрҙе иҫкәртеү өсөн шифахана-курорттарҙа дауала­ныуға юлламалар;
lҡала яны тимер юл, шулай уҡ ҡала-ара транспортында дауаланыуға бушлай барыу һәм ҡайтыу.

Социаль хеҙмәтте
натуралатамы,
әллә аҡсалатамы?

Граждан социаль хеҙмәтте ниндәй төрҙә (аҡсалатамы, әллә натуралатамы) алыуҙы үҙе хәл итә һәм Пенсия фондының территориаль органына ғариза яҙа. Әйткәндәй, был туралағы ҡарарҙы йыл һайын раҫлауҙың кәрәге юҡ, ғаризаны бер тапҡыр тапшырыу ҙа етә. Әгәр граждандың фекере үҙгәрә икән, ҡайтанан ғариза яҙыу мотлаҡ. Тик быны 1 октябргә тиклем эшләү шарт, сөнки яңы ға­риза киләһе йылдың 1 ғинуарынан ғына ғәмәлгә инә. Уны Пен­сия фондының теркәлгән йәки йәшәгән урын буйынса территориаль органына, шулай уҡ дәүләт һәм муниципаль хеҙмәт күрһәтеү менән шөғөлләнгән күп функциялы үҙәк аша ла тапшырып була.
Социаль хеҙмәттәр йыйыл­маһы натуралата тапшырылған осраҡта уның хаҡы айлыҡ аҡса­лата түләүҙән алып ташлана. Әгәр граждан аҡсалата эквивалентҡа өҫтөнлөк биреп, йыйылманан (бер йәки ике социаль хеҙмәттән) баш тартһа, уларҙың хаҡы ла айлыҡ аҡсалата түләү күләменән алып ташлана.
Социаль хеҙмәттәр йыйылма­һынан баш тартыу, уны биреүҙе яңыртыу, элегерәк яҙылған ғари­заны ғәмәлдән сығарыу тураһын­да яңы ғариза тапшырғанда үҙегеҙ менән Рәсәй Федерацияһы граж­данының паспортын алыу ҙа етә.