Вконтакте facebook Вконтакте Вконтакте
Гәзитте ойоштороусылар:
Башҡортостан Республикаһы
Дәүләт Йыйылышы — Ҡоролтай,
Башҡортостан Республикаһы Хөкүмәте
» » Маһирлығы күңел матурлығынан
Маһирлығы күңел матурлығынан Тәбиғәткә иҫ киткес ғашиҡ кешеләр була. Уларҙың булмышында — донъяға кешелек күҙлегенән бағыу, изге ғәмәл­дәре менән уны йәмләндерергә, ҡурсаларға тырышыу. Бөгөнгө геройым, Тәүәкәс ауылынан педагогия хеҙмәте ветераны Роза Ғәббәсова, ошолай мөҡәддәс бурыстарын үтәүҙә үҙ тәғәйенләнешен табып, тирә-яҡтағыларҙы һоҡландырып йәшәй. Илһамлы ижад менән дөрләп янған йөрәге сикһеҙ һөйөү хистәре менән һуғарылғанға күрә, йәшәйеше шундай хозур һәм үҙенсәлекле тип әйтергә мөмкин.
“Ағинәйҙәр ҡоро” рәйесе вазифаһын ул бөтә тырышлығы менән атҡара. Йыш ҡына өр-яңы шиғыр­ҙа­ры, мәҡәләләре, һүрәтләмәләре һәм яңы идеялары менән редакция хеҙмәт­кәрҙәрен рухландырып тора. Ә бына үҙенең буш ваҡытын ҡул эштәренә арнауы айырым тема.
Хаҡлы ялдағы Роза Юлмөхәмәт ҡыҙы улы Айрат һәм килене Гөлнара ме­нән бергә татыу ғү­мер кисерә. Ғаилә­нең заманса төҙөл­гән иркен йортоноң ишеген асып ингәс тә сағыу төҫтәрҙән күҙ ҡамаша. Өй эсендәге йәйғор төҫтәренә мансылған зауыҡлы әйберҙәргә хужабикәнең күңел йылыһы һалынған, шуға ла һәр береһе хайран ҡалдырыу ғына түгел, һушты ала: ултырғысҡа һалыу өсөн түңәрәк япмалар, төрлө биҙәкле диван, карауат йәймәләре. Ул ҡорамаларҙың үҙенә күрә исемдәре лә бар: “Осрашыу”, “Инйәр буйы”, “Йәйғор”, “Сәскәле болон”, “Маҡсатҡа өлгәшеү” һ.б. Стеналағы һоҡланғыс картиналарға, башҡорт кейемендәге ете ҡурсаҡҡа ҡарап туйғыһыҙ. Таҫмаларҙан эшләнгән сәскә гөлләмәләре күркәм бер мөйөштө биләй. Төрлө алым менән яһалған ҡул эштәрен сәнғәт әҫәрҙәренә тиңләрлек. Әҙәбиәт йылы, Рәсәй киноһы йылы уңайынан бәйләнгән эмблемалар ҙа үҙенсәлекле. Быйылғы символ иһә төрлө төҫтәр менән һырылған һәм ағинәй бер нисәүһен яҡындарына ла бүләк иткән.
— Ышанаһығыҙмы-юҡмы, биш-алты йәштәрҙә бәйләргә һәм тегенергә өйрәндем. Уның тарихы ла бар. Фәтхиә инәйемдең “Зингер” теген машинаһы бар ине. Үҙе баҙарға китһә йә күрше-тирәгә сыҡһа, тиҙ генә ултыра һалам. Күреп ҡалһа: “Ҡулыңа сөй ҡағам”, – тип ҡурҡыта. Башта илай инем, тик теләгем көслө булғандыр, күрәһең, барыбер ныҡышып һүҙемде һүҙ иттем, өйрәндем. Бишенсе класта уҡығанда әсәйем теген машинаһы алып бирҙе. Шул саҡта фантазияны эшкә ектем, һеңлем Данияға әсәйемдең иҫке пальтоһын яңыртып бирҙем. Әхирәттәремдең күҙе шар булды. Зилә менән Бибинурға күлдәк тегеп бирҙем. Зәкирә Свердловск өлкәһенән ҡайтҡайны, ул инде байрам һайын яңыларын тектерә торғайны. Үҙемә бөтә кейемде лә бесеп, тегеп кейә инем. Башта ең төбө ҡыйынға тура килде, аҙаҡ лавканан өлгөләр алғас, еңелгә төштө.
Бәйләмгә килгәндә, әсәйемдең ун күҙ йыйып биргәне хәтеремдә. Бер тапҡыр күрһәтте лә эшкә ашыҡты, ә мин ул ҡайтҡансы оҙон итеп бәйләнем дә бәйләнем.
Тәүге ҙур эшемде “Башҡорт биҙәге” тип атаным. Башыма яңынан-яңы уй килә, үҙенсәлекле төҫ һайлайым, ниндәй эш тыуасағын күҙаллайым. Өфөгә барһам, “Туҡымалар” магазинында, ательеларҙа тауар, төҫлө ептәр, энәләр һайлап һатып алам. Ауылдашым Рәғиҙә Илназарова менән өлгөләр уртаҡлашабыҙ.
Ҡул эштәренә тотонғанда, күңелемде шатлыҡ биләй, уның һөҙөмтәһен тиҙерәк күргем килә. Башҡалар менән ошо ҡыуанысымды уртаҡлашырға теләйем. Бер журналда уҡығайным, әгәр кеше йәйғорҙай төҫтәргә йыш ҡарай икән, ул күҙҙәргә гимнастика кеүек тәьҫир итә. Ваҡытты бушҡа үткәрмәҫкә, ейәнсәремә бирнәлеккә матур әйберҙәр әҙерләп, үҙемдең яратҡан шөғөлөм менән күптәрҙе һөйөндөрөп йәшәйем, – тип уй-хистәрен белдерҙе ҡул эштәренә маһир ағинәй Роза Юлмөхәмәт ҡыҙы.




Беҙҙе Яндекс Дзен лентаһында уҡығыҙ

В ОдноклассникахВконтакте

Комментарий өҫтәргә






Изгелек күрһәт тә бушлай киноға, бассейнға, музейға бар

Изгелек күрһәт тә бушлай киноға, бассейнға, музейға бар 01.04.2019 // Йәмғиәт

Һуңғы ваҡытта ирекмәндәр хәрәкәте беҙҙең тормошобоҙҙа һиҙелерлек урын биләй....

Тотош уҡырға 4 009

Һыу инергә ваҡыт етте...

Һыу инергә ваҡыт етте... 01.04.2019 // Йәмғиәт

6 апрелдә Өфө ҡалаһындағы Үҙәк баҙар янындағы Һалдат күленә килһәгеҙ, үкенмәҫһегеҙ. Унда тәүлек...

Тотош уҡырға 3 370

Мөхәббәт менән бәхет гел бергә

Мөхәббәт менән бәхет гел бергә 31.03.2019 // Йәмғиәт

– Мөхәббәт ҡайҙа юғала? – тип һораған атаһынан бәләкәй Бәхет. – Үлә. Кешеләр булғанды ҡәҙерләмәй,...

Тотош уҡырға 3 916

"Ҡайһылай оятҡа ҡалдым..."

"Ҡайһылай оятҡа ҡалдым..." 31.03.2019 // Йәмғиәт

Асыу, ярһыу кешенең бөтөн тәнен, күңелен ялмап алыусан. Шуға әҙәм балаһының бындай осраҡта...

Тотош уҡырға 3 812

Ризыҡ менән бергә өмөт-ышаныс өләшеп

Ризыҡ менән бергә өмөт-ышаныс өләшеп 31.03.2019 // Йәмғиәт

Ирекмәндәр Сибайҙа өс айҙан ашыу инде “Йәшәү ризығы” тип аталған мәрхәмәтлек акцияһы үткәрә: ауыр...

Тотош уҡырға 3 175

"Аҙыҡтың өлөшөн генә һалыр инем..."

"Аҙыҡтың өлөшөн генә һалыр инем..." 31.03.2019 // Йәмғиәт

Имам-хатип мәсеткә вәғәз һөйләргә килһә, унда бер генә кеше – йәш көтөүсе – ултыра, ти....

Тотош уҡырға 3 390

135 мең граждан саҡырыла

135 мең граждан саҡырыла 31.03.2019 // Йәмғиәт

Рәсәй Президенты хәрби хеҙмәткә яҙғы саҡырылыш тураһында указға ҡул ҡуйҙы. Ул кисә, 30 мартта,...

Тотош уҡырға 2 933

Йоҡларға ҡурҡам...

Йоҡларға ҡурҡам... 30.03.2019 // Йәмғиәт

Баҡыйлыҡҡа күскәненә тиҫтә йылға яҡын ваҡыт уҙһа ла, әсәйем һуңғы арала төшөмә йыш инә башланы....

Тотош уҡырға 3 504

Йәкшәмбелә ғаилә менән ҡайҙа барырға була?

Йәкшәмбелә ғаилә менән ҡайҙа барырға була? 29.03.2019 // Йәмғиәт

Ҡул эштәре менән булыу, аш-һыу бешереү, бейеү, һүрәт төшөрөү, спорт уйындары... Ә һеҙҙең ғаиләнең...

Тотош уҡырға 1 893

"Мин Хәйбулланан!" тип ғорурланыр йәштәр ҙә

"Мин Хәйбулланан!" тип ғорурланыр йәштәр ҙә 29.03.2019 // Йәмғиәт

Башҡортостандың 100 йыллығына арналған саралар дауам итә. Бөгөн, мәҫәлән, Хәйбулла районы үҙәге...

Тотош уҡырға 1 912

Сарыҡ нисек тегелә?

Сарыҡ нисек тегелә? 29.03.2019 // Йәмғиәт

Учалы тарих һәм тыуған яҡты өйрәнеү музейында башҡорттоң традицион аяҡ кейеме – сарыҡ тегеү буйынса...

Тотош уҡырға 2 072

15 апрелдә башлана

15 апрелдә башлана 29.03.2019 // Йәмғиәт

Учалы районы хакимиәтендә подъездарҙы төҙөкләндереү буйынса республика программаһының тормошҡа...

Тотош уҡырға 1 840